Bir çox ailələr bayramları birgə ziyafətlə qeyd edirlər. Bu adət dərin rəmzi məna daşıyır. Valideynlər və uşaqlar yeməkdən və ünsiyyətdən həzz alır və birlikdə şənlənirlər.
Bu, özünü bir bütövün hissəsi kimi hiss etməyin təsirli yoludur. Buna görə də ailənin hər bir üzvü bayram süfrəsinin hazırlanmasına öz töhfəsini verməyə çalışır. Birgə yemək hazırlamaq, ailə üzvlərinə xidmət və yeməyin özü ailə bağlarını gücləndirir.
Və təbii ki, ailə ənənələri xüsusi əhəmiyyət kəsb edir. Bu zaman valideynlərin vəzifəsi övladlarına sağlam qidalanma vərdişlərini aşılamaq, onlara sağlam və təhlükəsiz qidalar seçməyi öyrətmək, sağlam həyat tərzi qaydalarına əməl etməyin nə qədər vacib olduğunu öz nümunələri ilə göstərməkdir.
P.ƏFƏNDİ, “Xalq qəzeti”