Ulu öndər Heydər Əliyevin anadan olmasının 100 illiyi münasibəti ilə Mingəçevir şəhər Heydər Əliyev Mərkəzində “Azərbaycan xalqının ümummilli lideri Heydər Əliyevin siyasi fəaliyyəti (1969-2003-cü illər)” mövzusunda konfrans keçirilib. Konfrans iştirakçıları əvvəlcə ulu öndərin Heydər Əliyev Meydanında və Heydər Əliyev Mərkəzi qarşısında ucaldılmış abidələri önünə gül dəstələri qoyaraq ehtiramlarını bildiriblər. 

Tədbirin əvvəlində Heydər Əliyev Mərkəzinin foyesində ulu öndər Heydər Əliyevin həyat və fəaliyyəti­ni əks etdirən sərgiyə baxış keçirilib. Konfrans işinə Azərbaycan Respubli­kasının Dövlət Himninin səsləndirilmə­si ilə başlayıb. Mingəçevir Şəhər İcra Hakimiyyətinin, YAP Mingəçevir şəhər təşkilatının rəhbərliyi, səhiyyə, təhsil müəssisələrinin, idarə və təşkilat rəh­bərləri, şəhid ailələri, müharibə əlilləri, QHT rəhbərləri, şəhər gənclərinin və ictimaiyyət nümayəndələrinin iştirak etdiyi konfransda RİH başçısı İlham İs­mayılov “Azərbaycan xalqının ümum­milli lideri Heydər Əliyevin siyasi fəaliy­yəti (1969-2003-cü illər)” mövzusunda məruzə ilə çıxış etmişdir. Tədbirin so­nunda ulu öndərə həsr olunmuş “Əsrin adamı” filmi nümayiş etdirilmişdir. 

Daha sonra konfrans iştirakçıla­rı Mingəçevir Dövlət Dram Teatrında “Dahilik divanı” adlı tamaşaya baxdı­lar. Axşam Heydər Əliyev meydanında incəsənət ustalarının iştirakı ilə böyük bayram şənliyi və atəşfəşanlıq keçirildi. 

İlqar HƏSƏNOV,
“Xalq qəzeti”nin bölgə müxbiri