Yeni il ərəfəsində Lənkəranın Boladi kəndində 102 yaşlı Şananə Mahmudovanın qonağı olmuşdum. İndi də yaşı 100 olan 1 nömrəli tam orta məktəbdə keçirilən yubiley tədbirinin sorağını aldım. 

Məni bu barədə həmin məktəbin yetirməsi, Sumqayıtı özünə ünvan seçmiş kimyaçı-mühəndis, şair, Prezi­dent mükafatçısı Süleyman Hüseynov məlumatlandırdı. 1966-cı ildə doğma kənddə məktəbi əla qiymətlərlə bitirib. Neçə-neçə şeir kitabının, povest və ro­manların müəllifidir. Hər zaman doğma kəndi və məktəbi barədə fəxrlə danışır. Elə Süleyman müəllimin yubiley tədbi­rindəki çıxışı da başdan-başa sevgi və minnətdarlıq duyğularına bələnmişdi. Digər çıxışlarda da gözəl ənənələri, bö­yük uğurları olan məktəblə bağlı özəl fikirlər səsləndi.

Bu məktəb şəhid Nahir Axundo­vun adını daşıyır. Məzunları arasında görkəmli alimlər, şairlər, ali rütbəli zabit­lər, həmçinin daim ehtiramla yad olunan 13 şəhid var. 

Təhsil ocağının uğurları davam edir. Məktəbin şagirdləri Elm Tədris Akade­miyasının keçirdiyi “Zəfər yarışı” sınaq imtahanında uğur qazanıblar. Bir sıra olimpiadalarda bu təhsil ocağının təm­silçiləri fərqləniblər. SAF 2022-də “İn­novative exhibition” kateqoriyası üzrə məktəbin "Boladi" komandası mükafat qazanıb. Bu ay ulu öndər Heydər Əliye­vin 100 illik yubileyi münasibətilə Asta­rada keçiriləcək regional təhsil festivalı­na ciddi hazırlıq gedir. 

Tədbirdə şəhidlərin ailə üzvləri, qa­zilər, müharibə iştirakçıları, Elm və Təh­sil Nazirliyinin nümayəndəsi, həmçinin məktəbin məzunu olmuş Mirbaba Ba­bayev, Lənkəran-Astara Regional Təh­sil İdarəsinin nümayəndələri, məktəbin məzunları və digər qonaqlar iştirak ediblər. Elm və təhsil naziri Emin Əm­rullayevin məktəbin yubileyi münasibə­tilə təbrik məktubu oxunub, pedaqoji kollektivin üzvlərinə təşəkkürnamə və hədiyyələr təqdim olunub. Məktəbin yubileyi ilə əlaqədar nazirlik tərəfindən məktəbə STEAM avadanlıqları hədiyyə edilib.

Çıxışçılar unudulmaz xatirələri dilə gətiriblər. Kanadanın Vaterloo Univer­sitetindən professor İlham Axundovunməktəbin yubiley tədbirinə onlayn təbriki maraqla qarşılanıb. Şagirdlər vətənpərvərlik, təhsil və məktəb hə­yatından bəhs edən şeirlər, mahnılar səsləndirib, ədəbi-bədii kompozisiyalar nümayiş etdiriblər.

Əli NƏCƏFXANLI, “Xalq qəzeti”