Azərbaycan ilə Somalinin diplomatik pasport sahibləri vizadan qarşılıqlı azad edilir.
AZƏRTAC xəbər verir ki, “Azərbaycan Respublikası Hökuməti ilə Somali Federativ Respublikası Hökuməti arasında diplomatik pasport sahiblərinin vizadan qarşılıqlı azad edilməsi haqqında Saziş”in təsdiq edilməsi barədə Azərbaycan Respublikası qanununun layihəsi parlamentin bu gün keçirilən plenar iclasının gündəliyinə daxil edilib.
Sənəd 2025-ci il oktyabrın 15-də Kampala şəhərində imzalanıb.
Qanun layihəsi səsverməyə qoyularaq təsdiqlənib.
