Bir qrup xarici QHT və vətəndaş cəmiyyəti fəalları “Minadan azad dünya üçün qlobal təşəbbüs” adlı petisiyaya başlayıb. Bu aksiya “Jotform” beynəlxalq platformasında “Dünya Qafqazda sülh üçün” adlı beynəlxalq kampaniya çərçivəsində elan olunub. 

Petisiyada deyilir ki, dünyada 60 mil­yon insan hələ də mina təhlükəsi altında­dır. Azərbaycan da mina problemindən ciddi əziyyət çəkir. Son 30 ildə Azərbay­canda 3,4 mindən çox insan mina qurba­nı olub, onların 90 faizi mülki şəxslərdir.

Kampaniya müəllifləri BMT-yə müra­ciətlə bəyan edirlər ki, Ermənistan Azər­baycan ərazilərini 30 il ərzində minalayıb, bu proses indi də dayanmayıb. Ermənis­tan yeni basdırılmış minaların xəritələrini dərhal Azərbaycan dövlətinə təhvil ver­məlidir.

Xarici QHT, vətəndaş cəmiyyəti fəal­ları Prezident İlham Əliyevin BMT-nin 18-ci Dayanıqlı İnkişaf Məqsədi kimi “mi­nasız dünya” məqsədinin elan edilməsi təşəbbüsünü alqışlayıblar. Onlar BMT-yə çağırış ediblər ki, qlobal mina probleminə diqqəti artırsın.

Müraciət ciddi rezonans doğurub, yeni elan edilməsinə baxmayaraq, artıq 10-a yaxın ölkədən 100-dən çox vətən­daş cəmiyyəti fəalı minalara qarşı qlobal səfərbərlik kampaniyasına qoşulduğunu bəyan edib, bu problemin qlobal həllinə dəstək veriblər.

XQ