Erməni jurnalist: Benzin çənlərini “Qarabağ rəhbərləri”nin partlatdıqlarına necə inanmayasan?

Yaxşı ki, “Xankəndidəki anbarlar ağzına qədər ərzaq məhsulları ilə dolu idi” – ifadəsini hansısa azər­baycanlı və ya türk yox, bilavasitə erməni jurnalist deyir və videogö­rüntülərlə sübut edir. Onun fikrincə, Qarabağda yaradılmış qeyri-qanuni dövlətin məkrli rəhbərləri aylardan bəri öz siyasi məqsədləri naminə bölgədə yaşayan erməni əhaliyə əzab vermiş, onları alçaltmış və təhqir etmişlər. 

Belə ki, Bella Lalayan adlı erməni jurnalist oktyabrın 2-də özünün “Face­book” səhifəsində Arayik Arutyunyanı və onun komandasını ifşa edən yazı paylaşmışdır: 

“Mənəviyyatsızlar!

Mən bilmirəm, sizi necə adlandırım və Qarabağ ermənilərinin cəhənnəm əzabı çəkdiklərinə, o qədər insanın həyatına son qoyduğunuza görə sizin düşmənçiliyinizin cavabını necə verə­cəyini anlamıram.

Monstrlar!

Bütün bunlardan sonra məlum benzin çənlərini sizin partlatmadığı­nıza necə inanmaq olar? 

Xalq, erməni milləti, qarabağlılar, hər zaman, dünyanın istənilən ye­rində sizin məhvinizi reallaşdırmaq barədə düşünəcək və bu. milli ide­yaya çevrilməlidir. 

Bədheybətlər, adamyeyənlər, Qarabağı çeynəyib udan namərd­lər. 

Mən bilmirəm, sizin haqqınızda daha nə deyim ki, ürəyim soyusun!”

Beləliklə, Bella Lalayanın bu ya­zısı bir daha sübut edir ki, Azərbay­canın Qarabağ regionunda heç bir “mühasirə”olmayıb. Sadəcə olaraq, separatçı rejimin başçıları Azərbay­canı qaralamaq, yaratdığımız real­lıqlara kölgə salmaq üçün öz xalqla­rını aldatmaqla məşğul olublar. 

İttifaq MİRZƏBƏYLİ
XQ