Əslində, sakitlik təəccübləndirirdi. Necə ola bilərdi ki, vəziyyətlə barışsınlar? Biz də düşünürdük ki, yəqin yeni yanaşmaları var. Siyasətdir, bilmədiyimiz şeylər ola bilər, – öz-özümüzə fikrə dalırdıq. Budur, heç bir yanaşamaları yoxdur. Əvvəlki ayı təfəkküründədirlər, illərdir içlərinə hakim kəsilmiş şizofrenliyi kənara qoymayıblar. Susmaları isə guya diplomatik davranıb vəziyyəti axıradək gözləmək üçün imiş. Deyəsən, axırdır, axı. Azərbaycan–Ermənistan münasibətlərindəki, belə demək mümkünsə, sülhsüzlüyün axırı.
Baş nazir Nikol Paşinyanın Azərbaycanın, Qarabağ da daxil olmaqla, 86,6 min kvadratkilometr ərazidə suveren hüquqlarını tanımasından və mövcud xüsusda Qərb vasitəçiliyi missiyasının aktivləşməsindən sonra, Rusiyanın ictimai rəyini, əslində, formalaşdırmağa mükəlləf görünən politoloq, ekspert, analitik, etnoloq, sosioloq... sürüsü hay-küy qopartmağa başlayıb ki, Azərbaycanla Ermənistan arasında sülh mümkün deyil, vaxt lazımdır, zaman keçməlidir və sair ilaxır.
Dərdləri Qarabağ dərdidir. Problemin kimlərin hansı məqsədlə qondardıqlarını yaxşı bilirlər. İndi hər şeydən əlləri üzüləndən sonra əsəblərimizlə oynamağa başlayıblar, bu politoloq sehirbazlar, kloun dərnəyinin təmsilçiləri! Sən demə, bilməmişik ki, Ermənistan rəhbərliyi qarabağlılara acıq gəlməsi üçün rusmeyilli bölgəni Azərbaycana peşkəş edibmiş, buna imkan vermək olmazmış. Bu cür axmaq fikrin müəllifi rusiyalı politoloq Aleksey Muxindir.
Əslində Muxin Rusiya ictimai rəyindəki sarsaqlığın, beyin qıcolmasının ümumiləşdirilmiş obrazıdır. Azərbaycanla Ermənistan arasında sülh müqaviləsinin imzalanması real məcraya qədəm qoyandan, belələri bir-bir üzə çıxırlar. Görünür, haradansa düymələri basılıb. Sanki Qarabağda yaşayan erməni deyil, başqa xalqdır. Hə, doğrudan, “Artsax xalqı” imiş axı! Belə getsə, Rusiyadakı başıpozuq ekspert qırıqları bunu da deyəcək və əsaslandıracaqlar ki, saxsaxlarla ermənilər ayrı-ayrı şeylərdir. Hələ antropoloq da tapıb efir verdirib dedizdirəcəklər ki, bəs, qədim ruslarlarla sarsaxlar kəllə-paça oxşarlıqlarına məxsusdurlar. Onlardan nə desən, gözləmək olar. Bir halda ki, muxinlər var, belələrinin uydurduqları cəfəngiyyatların böyüklüyünü təsəvvürə gətirmək o qədər də çətin deyil.
Bəli, Rusiyadakı anlaqsız ermənipərvərliyə görə deyə bilərik ki, ölkənin ictimai fikir industriyası özünün qısırlıq dövrünü yaşayır. Əslində, bu kəsimin təmsilçiləri nə vaxtsa düz əməlli düşünməyiblər. “Velikorus” şovinizminə köklənmişlər üçün insani dəyərlərin, hər hansı hüquq, haqq-ədalət anlayışının olmadığı illərin sınağından çıxmış həqiqətdir. Muxin deyir ki, Ermənistan rəhbərliyinin Qarabağla ədavətinin məhsulu olaraq bölgəni Azərbaycana verməsi paradoksal vəziyyət yaradır. Əsil paradoksallıq Dostoyevski, Bulqakov, Tolstoy və digər onlarla dünya miqyaslı düşüncə sahiblərini, fikir dühalarını yetirmiş bir xalqın muxin və muxinəbənzərlər peydahlamaq qabiliyyətindədir.
Deyirlər, yaradıcılıqda ifrat məqbuldur. Görünür, muxinlər yaradıcı potensialın ifrata çevrildiyi anda atılmış zay toxumlardır. Başqa nə düşünəsən? Necə izah verəsən, mümkün deyil! Məsələn, necə düşünəsən ki, Viktor Hüqo kimi bir dahi Fransanın müsəlmalara qarşı qırğınlarının ilhamvericisi imiş? Müsəlman barbar kimi təqdim etdiyi şəxslərə qəddar davranmağı təlqin edirmiş. Bunu necə ağla gətirəsən. İfrat, bəli, məhz ifrat.
...Sonra da gileylənirlər ki, bizdən üz döndərirlər. Muxinlərə görə Rusiyadan hamı üz döndərəcək. Çünki onlar, zatulinlər normal məntiq baxımından ortaya heç nə qoymurlar. Yalnız hərbə-zorbalıq qusmaqla məşğuldurlar. Qusuntunu dəyər kimi sırıyırlar və bu ifrazatdan irəli gələn məsələlər üzərində strategiya müəyyənləşdirir, fərqinə varmırlar ki, muxin kimi embrion kütləsinin bulaşdırdığı mənzərə postsovet məkanındakı anti-Rusiya ovqatının katalizatoru qismində çıxış edir.
Böyük imiş Rusiya, əzəmətliymiş! Hanı o əzəmət, haradadır o böyüklük?! Təsəvvür edə bilməzsiniz ki, Azərbaycanla Türkiyə müharibə edir. Mümkün deyil, ağla gəlməz. Ancaq Muxinə bənzər rüşeymlərin formalaşdırdıqları rus böyüklüyü ilə bağlı sabun köpüyünün nəticəsidir ki, bu gün Rusiya–Ukrayna müharibəsi kimi dəhşətli mənzərə var. Haradadır o böyük qardaşlıq ki, kiçik qardaş olan qanbir Ukrayna xalqı ona qarşı silaha sarılıb. Muxinlər isə utanmaz-utanmaz öz torpaqları uğrunda döyüşən ukraynalılara nasist, faşist deyirlər. Tamam, tutalım, Qərb onları başdan çıxarıb, bəs, Rusiyanın böyüklüyü? Yoxdurmu buna qarşı çıxacaq fəhmi? Ancaq tankla, topla, raketləmi olur böyüklük? Hər gün Rusiyanın Müdafiə Nazirliyi Ukraynanın silahlı qüvvələrinə məxsus neçəsə hərbi texnikanın, canlı qüvvənin məhv edildiyinə dair xəbər yayır. Geniş düşünəndə bundan böyük rəzalət yoxdur. Kimdir öldürülənlər, kimlərdir qanına-qəltan edilənlər? Qardaşlar! Həmin muxinlərin yaratdıqları ictimai rəy bu miskin mənzərəni qüdrət simvolu kimi sırımaqdadır. Olsun, görək nə vaxtadək dünyaya makaron deşiyindən baxacaqlar!
Hadisə və proseslərə dar bucaqdan tamaşa edənlər Qarabağı qədim rus yurdu kimi də görə bilərlər. Yəni, belə bir şey ortaya atsalar, qətiyyən təəccüblənmək lazım deyil. 44 günlük müharibədən sonra balaca Ermənistan o boyda Rusiyanın siyasi istableşmentini İrəvanın mərkəzi meydanındakı kanalizasiya qapağının başına dolayıb, ancaq bundan xəbərləri belə yoxdur. Necə ki, Qərb 2018-ci ildə gəlib illərdə bəslədikləri ölkəni alıb aparanda ruhları inciməmişdi, indi də eyni durumdadırlar. Elə bilirlər, ermənilər təzədən Rusiyanı “sevəcək”. Bu “sevgi” üçün hər şeyə hazır olacaq, hər cür ədalətsizliyə göz yumacaq durumdadırlar. Bu qədər miskindirlər, acizdirlər.
Bəli, nankor saydıqları Ermənistandan ayrıla bilmirlər. Baş nazir Nikol Paşinyan nə qədər aşağılayırsa, yenə də ondan yapışıblar. İstəyirlər ki, ölkə yenidən Rusiyanın orbitinə qayıtsın. Qayıtmayacaq. Boşuna ümid bəsləyirlər. Bu gün-sabah Paşinyan deyəcək ki, Gümrüdəki 102-ci rus hərbi bazası da çıxıb rədd olsun, öz sərhədlərimizi özümüz qoruyacağıq. Necə ki, indi Zəngəzur dəhlizi yolu üzərindəki sərhədi özləri qoruyacaqlarını bildirirlər, onu da dilə gətirəcəklər. Mövcud istiqamətdə “mübariz erməni xalqına” xas pafos və populizmlərini bütün dünyaya yayıb dünyadakı anti-Rusiya ovqatına yeni rəng çalarları gətirəcəklər.
Gözləsinlər və unutmasınlar ki, bu sayaq erməni vay-şüvəninə qarşı çıxacaq heç nələri yoxdur. Qətiyyən yoxdur! Muxinkimilər fəsiləsinin təmsilçiləri isə durub Qarabağda bir ovuc erməninin rus sevgisindən ağızdolusu söz açsınlar, Azərbaycanın mövqeyini saymazdan gəlsinlər! Buyursunlar, görək sonra nə olur!
İrəvan Qarabağdan əlini üzmüş durumdadır. Sadəcə, erməni xisləti bu fikirdədir ki, ərazi Ermənistanın olmayacaqsa, heç Azərbaycanın da olmasın. Çox güman, Paşinyan bir neçə gün öncə Rusiya Prezidenti Vladimir Putinlə Soçidə bunu müzakirə edib. Mümkündür ki, çaqqalvari gülümsəyərək, “Qarabağı verdik sizə” də deyib. Bu tayfa təfəkkürlü məxluqdan nə desən gözləmək mümkündür. Əsl paradoksallıq isə budur ki, Rusiya ictimai rəyi də Paşinyan kimi çaqqalların dedikləri ilə oturub-durur. Çaqqalların namərdliyini adi qarşılayır. Çünki onların nankorluqlarından həzz alacaq qədər eybəcərləşiblər.
Bəli, Azərbaycana qarşı çıxmaq, xalqımızın iradəsinin ifadəçisi olan dövlətimizin möqveyini heçə saymaq, politoloq, sosioloq, seksoloq tör-töküntülərinin formalaşdırdıqları Rusiyanın ictimai rəyi üçün bunlar çox baha başa gələcək. Heç nə olmamış kimi, erməniləri ağına-bozuna baxmadan müdafiə etmək olmalıymış, bu müdafiə haqlıymış kimi davranmaqdadırlar. Beləliklə, Rusiya – Azərbaycan münasibətlərinə də xələl gətirirlər... Rusiya kimi ölkənin Cənubi Qafqazdakı mövcudluq, təsir faktoru Qarabağ olacaqmışsa, olmaz olsun belə varlıq. Yaramaz politoloq qövmü bu məqamı düşünə bilmir. Görünür, şüursuzluq və onun doğurduğu axmaqlıq son dərəcə yüksək fazadadır. Bəs, Rusiya dövləti? O da (mı)...
Əvəz CAHANGİROĞLU, “Xalq qəzeti”