Bakı şəhəri, Nizami rayonu, Keşlə qəsəbəsi Köndələn küçəsi 21 nömrəli ünvanda yerləşən “EUROPEAN TOBACCO –BAKU “ASC-nin nizamnaməsinin 6.1 və 6.3 maddələrinə uygun olaraq səhmdarların növbəti ümumi yığıncağı “Qafqaz Business Center”-də, Bakı, Nərimanov rayonu, Heydər Əliyev prospekti 125 nömrəli ünvanda 18 iyun 2023-cü il saat 10.00-da keçiriləcəkdir.
Gündəlikdəki məsələlər:
1. Cəmiyyətin idarəetmə orqanlarının 2022-ci ilin maliyyə-təsərrüfat fəaliyyətinin nəticələrinə aid illik hesabatının təsdiqi.
2. Cəmiyyətin 2022-ci il üzrə xalis mənfəətinin səhmdarlar arasında bölüşdürülməsi və dividendlərin ödənilməsi qaydasının təsdiqi.
Yığıncağın gündəliyinin materialları ilə bağlı cəmiyyətin ofisində saat 9.00-dan 18.00-dək tanış olmaq mümkündür.
Xahiş edirik ki, yığıncaqda iştirak etmək üçün öz şəxsiyyət vəsiqənizi (nümayəndə qismində iştirak edildiyi halda etibarnaməni) təqdim edəsiniz.
İdarə heyəti