Bu həftə Amerikanın 33 JLTV (Joint Light Tactical Vehicle) zirehli texnikası və C-130H Hercules nəqliyyat təyyarəsi Rumıniyaya gəlib.

TASS xəbər verir ki, bu barədə ölkənin Müdafiə Nazirliyinin saytında məlumat verilib.

“Müdafiə naziri Amerika hərbi texnikasının son çatdırılmasını alqışlayır. Cümə axşamı, noyabrın 9-da xüsusi əməliyyat qüvvələri üçün 33 JLTV zirehli maşını ölkəyə gəlib. Bu gün, noyabrın 10-da ikinci C-130H Hercules təyyarəsi 90-cı Otopeni aviabazasına çatıb”, - deyə məlumatda bildirilir. ABŞ tərəfindən hədiyyə edilən ilk C-130H Hercules sentyabr ayında Rumıniya Hərbi Hava Qüvvələrinə təhvil verilib.

Departament həmçinin Amerika tanklarının alınması planlarını açıqlayıb. “Müdafiə Nazirliyi ABŞ Konqresinin Rumıniyaya SEPv3 versiyasında 54 Abrams M1A2 döyüş tankı, tank şassisinin 12 modifikasiyası, döyüş sursatı və təlim simulyatorlarının satışı ilə bağlı bildirişini alqışlayır”, - deyə məlumatda bildirilir.

XQ