№ 343 Bakı şəhəri, 17 iyul 2024-cü il

Azərbaycan Respublikası Nazirlər Kabinetinin 2009-cu il 25 dekabr tarix­li 201 nömrəli Qərarı ilə təsdiq edilmiş “Qeyri-hökumət təşkilatının illik maliyyə hesabatının forması, məzmunu və təqdim edilməsi Qaydası”nda və 2015-ci il 5 iyun tarixli 216 nömrəli Qərarı ilə təsdiq edil­miş “Qrant müqavilələrinin (qərarlarının) qeydə alınması Qaydası”nda dəyişiklik edilməsi haqqında

Azərbaycan Respublikası Konstitusiya­sının 119-cu maddəsinin səkkizinci abzasını rəhbər tutaraq, Azərbaycan Respublikasının Nazirlər Kabineti qərara alır: 

1. Azərbaycan Respublikası Nazirlər Kabinetinin 2009-cu il 25 dekabr tarixli 201 nömrəli Qərarı (Azərbaycan Respublikasının Qanunvericilik Toplusu, 2009, № 12, maddə 1076 (Cild I) ilə təsdiq edilmiş “Qeyri-hö­kumət təşkilatının illik maliyyə hesabatının forması, məzmunu və təqdim edilməsi Qay­dası”nda aşağıdakı dəyişikliklər edilsin:

1.1. aşağıdakı məzmunda 5.1-1-ci bənd əlavə edilsin:

“5.1-1. Qeyri-hökumət təşkilatı, o cüm­lədən xarici dövlətlərin qeyri-hökumət təş­kilatlarının Azərbaycan Respublikasındakı filial və ya nümayəndəliyi qrant və ianələr, həmçinin onlardan istifadə üzrə təfsilatlı il­lik maliyyə hesabatını bu Qayda ilə müəyyən edilmiş formalara uyğun tərtib etməli (6 və 7 nömrəli formalar) və hər il aprel ayının 1-dən gec olmayaraq Azərbaycan Respublikasının Ədliyyə Nazirliyinə təqdim etməlidir.”;

1.2. 5.2-ci bəndin birinci cümləsinə “Na­zirliyi” sözündən sonra “və Azərbaycan Res­publikasının Ədliyyə Nazirliyi” sözləri əlavə edilsin;

1.3. həmin Qaydaya aşağıdakı məzmun­da 5 və 6 nömrəli əlavələr edilsin (əlavə olu­nur).

2. Azərbaycan Respublikası Nazirlər Ka­binetinin 2015-ci il 5 iyun tarixli 216 nöm­rəli Qərarı (Azərbaycan Respublikasının Qanunvericilik Toplusu, 2015, № 6, maddə 789 (Cild I) ilə təsdiq edilmiş “Qrant müqa­vilələrinin (qərarlarının) qeydə alınması Qay­dası”nda aşağıdakı dəyişikliklər edilsin:

2.1. 3.1.10-cu yarımbəndə “Nazirliyinə” sözündən sonra “və Azərbaycan Respubli­kasının Ədliyyə Nazirliyinə” sözləri əlavə edilsin;

2.2. 4-cü hissə üzrə:

2.2.1. 4.1-ci bəndin birinci cümləsin­də “15 (on beş) gün” sözləri “15 (on beş) iş günü” sözləri ilə, ikinci cümləsində “15 (on beş) günədək” sözləri “15 (on beş) iş gününə­dək” sözləri ilə əvəz edilsin;

2.2.2. 4.1-1-ci bənddə “sonrakı gün” söz­ləri “sonrakı iş günü” sözləri ilə əvəz edilsin;

2.2.3. 4.2-ci bəndin birinci cümləsindən “illər üzrə tərtib edilən” sözləri çıxarılsın;

2.2.4. 4.3-cü bəndin üçüncü cümləsi çıxarılsın.

Əli ƏSƏDOV,
Azərbaycan Respublikasının Baş naziri