№ 118 Bakı şəhəri, 5 mart 2024-cü il

“Dövlət qeydiyyatına alınmış dərman vasitələrinin qiymətlərinin tənzimlənməsi və həmin qiymətlərə nəzarətin həyata keçi­rilməsi Qaydası”nın təsdiq edilməsi haqqın­da” Azərbaycan Respublikası Nazirlər Kabi­netinin 2015-ci il 3 iyun tarixli 209 nömrəli Qərarında dəyişiklik edilməsi barədə

Azərbaycan Respublikası Konstitusiya­sının 119-cu maddəsinin səkkizinci abzasını rəhbər tutaraq, Azərbaycan Respublikasının Nazirlər Kabineti qərara alır:

“Dövlət qeydiyyatına alınmış dərman vasitələrinin qiymətlərinin tənzimlənməsi və həmin qiymətlərə nəzarətin həyata keçiril­məsi Qaydası”nın təsdiq edilməsi haqqında” Azərbaycan Respublikası Nazirlər Kabine­tinin 2015-ci il 3 iyun tarixli 209 nömrəli Qərarında (Azərbaycan Respublikasının Qa­nunvericilik Toplusu, 2015, № 6, maddə 782 (Cild I) aşağıdakı dəyişikliklər edilsin:

1. Aşağıdakı məzmunda 1-1-ci və 1-2-ci hissələr əlavə edilsin:

“1-1. Bu Qərarın 1-ci hissəsi ilə təsdiq edilmiş Qaydanın 4.9-cu bəndinə uyğun ola­raq inteqrasiya həyata keçirilənədək Dərman vasitələrinin dövlət reyestrinin məlumatları dəyişikliklər (dövlət qeydiyyatı müddətinin bitməsi, yenidən dövlət qeydiyyatına alınma­sı, istehsalçının dəyişməsi, istehsal ölkəsinin dəyişməsi, yeni qablaşdırma miqdarı) göstə­rilməklə, Azərbaycan Respublikasının Səhiy­yə Nazirliyi tərəfindən ayda bir dəfə elektron formada Azərbaycan Respublikası Tarif (qiy­mət) Şurasının Katibliyinə təqdim edilir.

1-2. Bu Qərarda dəyişiklik Azərbaycan Respublikası Prezidentinin 2023-cü il 6 ok­tyabr tarixli 2328 nömrəli Fərmanı ilə təsdiq edilmiş “İcra hakimiyyəti orqanlarının nor­mativ hüquqi aktlarının layihələrinin hazır­lanması, razılaşdırılması, qəbul edilməsi və dərc edilməsi qaydası haqqında Əsasnamə”­nin 3.5-ci bəndinə uyğun edilə bilər.”.

2. Həmin Qərarla təsdiq edilmiş “Dövlət qeydiyyatına alınmış dərman vasitələrinin qiymətlərinin tənzimlənməsi və həmin qiy­mətlərə nəzarətin həyata keçirilməsi Qayda­sı” üzrə:

2.1. 1-ci hissə üzrə:

2.1.1. 1.3-cü bənd aşağıdakı redaksiyada verilsin:

“1.3. Azərbaycan Respublikasının Səhiy­yə Nazirliyi tərəfindən dövlət qeydiyyatına alınaraq Dərman vasitələrinin dövlət reyest­rinə daxil edilmiş dərman vasitələrinin (yal­nız ixrac üçün Azərbaycan Respublikasında istehsal edilmiş dərman vasitələri istisna olmaqla) topdan və pərakəndə satış qiymət­lərinin yuxarı həddi Azərbaycan Respubli­kasının Tarif (qiymət) Şurası (bundan sonra – Şura) tərəfindən tənzimlənir.”;

2.1.2. 1.4-cü bəndə “qiymətlərlə” sözün­dən əvvəl “həddən yuxarı olmayan” sözləri əlavə edilsin;

2.2. 2.5-ci bənddə “vasitələrinin istehsal­çıları və ya onların müvəkkil etdiyi şəxslər (bundan sonra – istehsalçılar)” sözləri “va­sitəsinin dövlət qeydiyyatı haqqında vəsiqə­nin sahibi (bundan sonra – ərizəçi)” sözləri ilə əvəz edilsin;

2.3. 3-cü hissə üzrə:

2.3.1. adına “qiymətlərinin” sözündən sonra “yuxarı həddinin” sözləri əlavə edilsin;

2.3.2. 3.1-ci bəndin birinci cümləsində “qiyməti” sözü “qiymətinin yuxarı həddi” sözləri ilə əvəz edilsin;

2.3.3. 3.2-ci bənddə “qiyməti” sözü “qiymətinin yuxarı həddi” sözləri ilə, “qiy­mətinə” sözü “qiymətinin yuxarı həddinə” sözləri ilə əvəz edilsin;

2.3.4. 3.4-cü bəndə “qiymətlərinin” sö­zündən sonra “yuxarı həddinin” sözləri əlavə edilsin;

2.3.5. 3.5-ci bəndin birinci cümləsində “qiymətləri” sözü “qiymətlərinin yuxarı həd­di” sözləri ilə, ikinci cümləsində “qiymət­lərlə” sözü “qiymətlərin yuxarı hədlərindən yüksək olmamaqla” sözləri ilə əvəz edilsin;

2.3.6. aşağıdakı məzmunda 3.6-cı bənd əlavə edilsin:

“3.6. Tibb müəssisələri üçün qablaşdı­rılmış dərman vasitəsinin yalnız topdansatış qiymətinin yuxarı həddi təsdiq edilir.”;

2.4. 4-cü hissə üzrə:

2.4.1. 4.1-ci bənd aşağıdakı redaksiyada verilsin:

“4.1. Dərman vasitələri dövlət qeydiyya­tına alındıqdan sonra 1 (bir) ay müddətində ərizəçilər tərəfindən qiymət tənzimlənməsi üçün Şuraya müraciət edilir. Dərman va­sitələrinin qiymətlərinin tənzimlənməsi üçün sənədlərin qəbulu və araşdırılması Katiblik tərəfindən həyata keçirilir.”;

2.4.2. 4.2-ci bəndin birinci və ikinci cüm­lələrində “İstehsalçılar” sözü “Ərizəçilər” sözü ilə əvəz edilsin;

2.4.3. 4.3.1-ci yarımbənddə “Azərbaycan Respublikasında dövlət qeydiyyatına alınma­sı haqqında sənədin (qeydiyyat vəsiqəsinin)” sözləri “dövlət qeydiyyatı haqqında qeydiy­yat vəsiqəsinin” sözləri ilə əvəz edilsin;

2.4.4. 4.3.2-ci yarımbənd ləğv edilsin;

2.4.5. 4.3.3-cü yarımbənddə “həmin ölkələr üzrə Azərbaycan Respublikasının diplomatik nümayəndəlikləri və konsulluq­ları tərəfindən Azərbaycan dilinə rəsmi tər­cüməsi təsdiq edilən qiymət sənədləri” söz­ləri “Azərbaycan dilinə tərcüməsi notariat qaydasında təsdiq edilən sənədlər” sözləri ilə əvəz edilsin;

2.4.6. 4.3.5-ci yarımbənddən “notariat qaydasında təsdiq edilmiş” sözləri çıxarılsın;

2.4.7. 4.5-ci və 4.6-cı bəndlərdə “isteh­salçıya” sözü “ərizəçiyə” sözü ilə əvəz edil­sin;

2.4.8. 4.7-ci bəndin birinci cümləsində “istehsalçının” sözü “ərizəçinin” sözü ilə əvəz edilsin;

2.4.9. 4.9-cu, 4.11-ci və 4.12-ci bəndlər aşağıdakı redaksiyada verilsin:

“4.9. Dərman vasitələri dövlət reyestrinin Şuranın informasiya sistemi ilə inteqrasiya­sı Azərbaycan Respublikası Prezidentinin 2018-ci il 12 sentyabr tarixli 263 nömrəli Fərmanı ilə təsdiq edilmiş “Dövlət informa­siya ehtiyatları və sistemlərinin formalaşdı­rılması, aparılması, inteqrasiyası və arxivləş­dirilməsi Qaydaları”nın 4-cü hissəsinə uyğun olaraq həyata keçirilir. 

4.11. Bu Qaydanın 5.8-ci bəndi nəzərə alınmaqla, dərman vasitəsi dövlət qeydiyya­tına alındıqdan sonra 1 (bir) ay müddətində ərizəçi tərəfindən qiymət tənzimlənməsi üçün müraciət edilmədiyi halda, Şura tərə­findən istinad ölkələri, habelə açıq informa­siya mənbələri olan ölkələr üzrə məlumatlar əsasında araşdırma aparılmaqla, bazis qiymət müəyyən edilərək qiymət tənzimlənməsi hə­yata keçirilir.

4.12. “Dərman vasitələri haqqında” Azərbaycan Respublikası Qanununun 4.11-ci maddəsinin ikinci cümləsində qeyd olu­nan dərman vasitələrinin qiymətlərinin tən­zimlənməsi dərman vasitələrinin istehsalçısı tərəfindən Şuraya müraciət edildikdə həyata keçirilir.”;

2.5. 5-ci hissə üzrə:

2.5.1. 5.1-ci bəndə “üzrə” sözündən son­ra “istehsal ölkəsi nəzərə alınmaqla” sözləri əlavə edilsin;

2.5.2. 5.2-ci bəndin birinci cümləsinə “rübdə” sözündən sonra “azı” sözü əlavə edilsin;

2.5.3. 5.4-cü bənd aşağıdakı redaksiyada verilsin:

“5.4. Azərbaycan Respublikasının Sə­hiyyə Nazirliyi tərəfindən dərman vasitələri haqqında verilən məlumatlarda Şura tərəfin­dən təsdiq edilmiş qiymətlər əks olunur.”;

2.5.4. 5.6-cı bənddə “istehsalçılar” sözü “ərizəçilər” sözü ilə, “Katibliyə yenidən bə­yannamə təqdim” sözləri “Şuraya yenidən müraciət” sözləri ilə əvəz edilsin;

2.5.5. 5.8-ci bənd aşağıdakı redaksiyada verilsin:

“5.8. Aşağıdakı dərman vasitələrinin ölkədaxili topdansatış əczaçılıq müəssisələ­rinə şərti satış qiymətlərinin müəyyənləşdi­rilməsi bu Qaydanın 5.9 – 5.13-cü bəndlərinə uyğun olaraq həyata keçirilir:

5.8.1. əhalinin sağlamlığı baxımından xü­susi əhəmiyyət kəsb edən dərman vasitələri;

5.8.2. resept olmadan buraxılan dərman vasitələri.”;

2.5.6. aşağıdakı məzmunda 5.9 – 5.14-cü bəndlər əlavə edilsin:

5.9. Bu Qaydanın 5.8.1-ci yarımbəndində qeyd olunan dərman vasitələrinin ölkədaxili topdansatış əczaçılıq müəssisələrinə şərti sa­tış qiymətlərinin ilk dəfə müəyyənləşdirilmə­si bu Qaydanın 5.11-ci bəndi nəzərə alınmaq­la, ərizəçinin müraciətinə və ya bu Qaydanın 4.11-ci bəndinə əsasən həyata keçirilir.

5.10. Bu Qaydanın 5.8.1-ci yarımbəndin­də qeyd olunan dərman vasitələrinin ölkə­daxili topdansatış əczaçılıq müəssisələrinə şərti satış qiymətlərinə yenidən baxılması bu Qaydanın 5.11-ci bəndi nəzərə alınmaq­la, ərizəçinin və ya Azərbaycan Respublikası Səhiyyə Nazirliyinin müraciətinə əsasən hə­yata keçirilir.

5.11. Bu Qaydanın 5.8.1-ci yarımbəndin­də qeyd olunan dərman vasitələrinin ölkə­daxili topdansatış əczaçılıq müəssisələrinə şərti satış qiymətlərinin ilk dəfə müəyyən­ləşdirilməsi və ya həmin qiymətlərə yenidən baxılması ilə əlaqədar Şura tərəfindən Azər­baycan Respublikası İqtisadiyyat Nazirliyi­nin, Azərbaycan Respublikası Səhiyyə Na­zirliyinin, Azərbaycan Respublikası Dövlət Gömrük Komitəsinin, İcbari Tibbi Sığorta üzrə Dövlət Agentliyinin və Tibbi Ərazi Böl­mələrini İdarəetmə Birliyinin rəyləri alınır.

5.12. Bu Qaydanın 5.8.2-ci yarımbən­dində qeyd olunan dərman vasitələrinin ölkədaxili topdansatış əczaçılıq müəssisələ­rinə şərti satış qiymətlərinin ilk dəfə müəy­yənləşdirilməsi ərizəçinin müraciətinə və ya bu Qaydanın 4.11-ci bəndinə əsasən dərman vasitəsinin bazis qiymətinə onun 10 faizi və nəzarət markasının qiyməti əlavə olunmaqla həyata keçirilir.

5.13. Bu Qaydanın 5.8.2-ci yarımbəndin­də qeyd olunan dərman vasitələrinin ölkə­daxili topdansatış əczaçılıq müəssisələrinə şərti satış qiymətlərinə yenidən baxılması bu Qaydanın 5.2-ci bəndinə uyğun olaraq həyata keçirilir.

5.14. Ərizəçilərin əsaslandırılmış mü­raciətinə əsasən tənzimlənmiş qiymətlərdə texniki xətalarla bağlı Şura tərəfindən düzə­lişlər edilir. Bu düzəlişlər dərman vasitəsinin qiymətinin yenidən tənzimlənməsi hesab edilmir.”;

2.6. 6-cı hissə üzrə:

2.6.1. 6.1-ci bənddə “üzərində dövlət tərəfindən tənzimlənmiş qiymətlər” sözləri “qablaşdırılmasının üzərində Şura tərəfindən təsdiq edilmiş yuxarı həddən yüksək olma­maqla, pərakəndə satış qiymətləri” sözləri ilə əvəz edilsin;

2.6.2. 6.2-ci bənd aşağıdakı redaksiyada verilsin:

“6.2. Dərman vasitələrinin qablaşdırıl­masının üzərində pərakəndə satış qiymətləri­nin göstərilməsi aptek təşkilatları tərəfindən təmin edilir. Dərman vasitələrinin qiymətləri Azərbaycan Respublikasının İqtisadiyyat Nazirliyi tərəfindən müəyyən edilmiş üsul­larla göstərilir.”;

2.6.3. 6.3-1-ci bəndə “məlumatların” sözündən əvvəl “zəruri” sözü əlavə edilsin və həmin bənddən “vaxtında və ya” sözləri çıxarılsın;

2.7. 7-ci hissə və Qeyd hissəsi ləğv edilsin.

Əli ƏSƏDOV,
Azərbaycan Respublikasının Baş naziri