№ 98 Bakı şəhəri, 23 fevral 2024-cü il

Azərbaycan Respublikası Nazirlər Kabinetinin 2020-ci il 30 iyul tarixli 273 nömrəli Qərarı ilə təsdiq edilmiş “Döv­lət və bələdiyyə tərəfindən yaradılan uşaq evləri sosial xidmət müəssisələ­rinin Nümunəvi Nizamnaməsi”ndə və 2020-ci il 30 iyul tarixli 274 nömrəli Qərarı ilə təsdiq edilmiş “Dövlət və bələdiyyə tərəfindən yaradılan ailə tipli kiçik qrup evinin Nümunəvi Ni­zamnaməsi”ndə dəyişiklik edilməsi haqqında

Azərbaycan Respublikası Konstitu­siyasının 119-cu maddəsinin səkkizinci abzasını rəhbər tutaraq, “Azərbaycan Respublikasının Ailə Məcəlləsində də­yişiklik edilməsi haqqında” Azərbaycan Respublikasının 2023-cü il 30 may ta­rixli 879-VIQD nömrəli Qanununun icra­sını təmin etmək məqsədilə Azərbaycan Respublikasının Nazirlər Kabineti qəra­ra alır:

1. Azərbaycan Respublikası Nazirlər Kabinetinin 2020-ci il 30 iyul tarixli 273 nömrəli Qərarı (Azərbaycan Respubli­kasının Qanunvericilik Toplusu, 2020, № 7, maddə 1003 (Cild I) ilə təsdiq edilmiş “Dövlət və bələdiyyə tərəfindən yaradılan uşaq evləri sosial xidmət müəssisələrinin Nümunəvi Nizamnaməsi”ndə aşağıdakı dəyişikliklər edilsin:

1.1. 3.1.7-ci yarımbəndə “uşaqların” sözündən əvvəl “uşaqlarla bağlı Azər­baycan Respublikası Ailə Məcəlləsinin 116-1.3-cü maddəsinə uyğun olaraq fər­di inkişaf planının hazırlanmasında və icrasında Nazirliyə kömək göstərmək, o cümlədən” sözləri əlavə edilsin;

1.2. 4.8.12-ci yarımbənddən “yerli icra hakimiyyətlərinin qəyyumluq və hi­mayə orqanlarına və” sözləri çıxarılsın.

2. Azərbaycan Respublikası Nazirlər Kabinetinin 2020-ci il 30 iyul tarixli 274 nömrəli Qərarı (Azərbaycan Respubli­kasının Qanunvericilik Toplusu, 2020, № 7, maddə 1004 (Cild I) ilə təsdiq edilmiş “Dövlət və bələdiyyə tərəfindən yaradılan ailə tipli kiçik qrup evinin Nümunəvi Ni­zamnaməsi”ndə aşağıdakı dəyişikliklər edilsin:

2.1. 3.1.7-ci yarımbəndə “uşaqların” sözündən əvvəl “uşaqlarla bağlı Azər­baycan Respublikası Ailə Məcəlləsinin 116-1.3-cü maddə-sinə uyğun olaraq fərdi inkişaf planının hazırlanmasında və icrasında Nazirliyə kömək göstərmək, o cümlədən” sözləri əlavə edilsin;

2.2. 4.8.12-ci yarımbənddən “yerli icra hakimiyyətlərinin qəyyumluq və hi­mayə orqanlarına, habelə” sözləri çıxa­rılsın.

Əli ƏSƏDOV,
Azərbaycan Respublikasının Baş naziri