Sabir Rüstəmxanlının “Azərbaycan adından…” kitabı çapdan çıxıb

Azərbaycan Xalq şairi, görkəmli ictimai-siyasi xadim Sabir Rüstəmxanlının yeni kitabı çapdan çıxıb. “Azərnəşr”də nəfis tərtibatla hazərlanan “Azərbaycan adından…” kitabında Sabir bəyin xarici ölkələrə səfərlərindən xatirələr yer alıb. Həm Xalq şairi, həm millət vəkili, həm də Dünya Azərbaycanlıları Konqresinin sədri kimi olduğu bütün ölkələrdə Azərbaycan davası aparan, bu ölkələrdə Azərbaycanın və bütövlükdə Türk Dünyasının səsi olan S.Rüstəmxanlının qeydləri böyük maraq doğurur. Müəllifin bu səfərlər haqda öz fikirləri xüsusi olaraq diqqət çəkir; “Yür kürəsinin gecəsindən gündüzünə və ya tərsinə adladıqca elə bildim planet mənim əllərimdə fırlanır”. Bu kitab həm də millət davalı şairin dünyaya təqdim etdiyi Azərbaycan haqdadır.