Bu il Türkiyədə “Məzlumlara azadlıq” devizi ilə keçiriləcək IX Türk Dünyası Sənədli Film Festivalına türk dövlətlərindən 300 müraciət daxil olub.

AZƏRTAC təşkilatçıların açıqlamasına istinadla xəbər verir ki, “Türkiyə mədəniyyəti və Türkiyənin dünyaya baxışı” mövzusunda festival Türk Dünyası Jurnalistlər Federasiyasının rəhbərliyi və Mədəniyyət və Turizm Nazirliyi, TÜRKSOY Baş Kino İdarəsi və Türk Dünyası Bələdiyyələr Birliyi, TİKA, YTB, həmçinin universitetlər, peşə, qeyri-hökumət və media qurumlarının layihə tərəfdaşlığı ilə keçiriləcək. Onların arasında Azərbaycan Mətbuat Şurası, Bakı Dövlət Universiteti, Azərbaycan Dövlət Mədəniyyət və İncəsənət Universiteti yer alıb.

Festivalın direktoru Menderes Dəmir deyib: “Türkiyə mədəniyyəti dünyanın ən qədim və ən geniş yayılmış mədəni irslərindən biridir. Onun gələcək nəsillərə ötürülməsi və bu irsin qorunub saxlanması bizim əsas vəzifələrimizdən biridir. Türk mədəniyyətinin peşəkarlar və gənc nəsillər tərəfindən sənədləşdirildiyini təsdiq etmək dəyişən dünyada öz izini buraxmaq üçün vacibdir. Bu məqsədlə biz Türk dünyası sənədli film festivalları və müsabiqələri keçiririk”.