Azərbaycan Dövlət Milli Gənc Tamaşaçılar Teatrı regionlara təşkil olunan qastrol səfərləri çərçivəsində Quba şəhər Mədəniyyət evində Pərvin Nurəliyevanın “Dəcəl keçi” tamaşasını uşaqlar üçün nümayiş etdirib.
Azyaşlıların böyük sevincinə səbəb olan səhnə əsərini qazi və şəhid övladları da izləyiblər. Tamaşanın quruluşçu rejissoru Ayla Osmanova, quruluşçu rəssamı Elşən Sərxanoğludır. Rolları Vahid Orucoğlu, Anar Seyfullayev, Yusif Dadaşov, Ədalət Əbdülsəməd, Səbinə Məmmədzadə, İlqarə Tosova və Zümrüd Quliyeva canlandırıblar. “Dəcəl keçi”nin əsas ideyası keçinin timsalında xudpəsəndlik, tənbəllik, yalan və lovğalıq kimi mənfi cəhətlərin tənqididir.
Tamaşanı uşaqlar maraqla izləyib və dönə-dönə alqışlayıblar.
XQ
“Dəcəl keçi” Qubaya gedib
Mədəniyyət
