Naxçıvanın “Yeni Era”teatrı bu dəfə “Animation Show 2" adlı interaktiv uşaq tamaşası ilə teatrsevərlərin görüşünə gəlib.
2 iyunda milli dram teatrında oynanılan tamaşada uşaqların sevdiyi animasiya qəhrəmanları onlara maraqlı anlar yaşadıb.Tamaşada şər qüvvə olan Cadunun uşaqların sevimli qəhrəmanları Şreki, Şirin babanı, Çəkməli Pişiyi və Mikini nə cür insana çevirməsi nümayiş olunur. Başqa bir səhnədə dostları Ağbənizi sehirli alma ilə yatırıb öz yeraltı səltənətinə apararaq uşaqların bayram sevincini əllərindən alırlar. Lakin xeyir qüvvəni təmsil edən Pərinin, Elfin və uşaqların sevgisi, birliyi,dostluğu onları Cadunun tilsimindən xilas edir.
Tamaşanın məqsədi uşaqlara məhz sevgini, dostluğu, dürüstlüyü və birlikdə güclü olmağı aşılamaqdır.
