Mingəçevir Dövlət Dram Teatrında İsi Məlikzadənin məşhur “Subaylarınızdan görəsiniz” əsəri əsasında hazırlanan tamaşanın təqdimatı uğurla keçib.
Səhnə əsərinə Xalq artisti Valeh Kərimov quruluş verib. Komediya məişət əhvalatı üzərində qurulub. Bakıda təhsil alan Qəndab kənddə yaşayan qonşusu Mayılla 1 ildir ki, məcburi nişanlıdır. Amma Qəndabın könlü Bakıda tanış olduğu Fəqan adlı bir oğlandadır. Bir gün Fəqan Qəndabın arxasınca kəndə gəlir və bu, maraqlı əhvalatların yaranmasına səbəb olur...
Tamaşanın quruluşçu rəssamı Pakizə Adilbəyli, musiqi tərtibatçıları Gülcahan Yusifova və Elnur Rəsulov, rejissor asistenti isə Məlahət Ağayevadır. Əsas rolları Afət Əliyeva (Səməni), Asim Məmmədov (Seyfi), Turqut Məsimli (Fəqan), Aytən Gəncəli (Qəndab), Vəfa İsmayılova (Çiçək), Elvin Əkbərli (Mayıl) və başqaları oynayıblar.
İlqar HƏSƏNOV,
XQ-nin bölgə müxbiri
