Füzuli Dövlət Dram Teatrında 34-cü mövsümün başlanması ilə əlaqədar keçirilən toplan­tıda teatrın direktoru, Əməkdar mədəniyyət işçisi Vaqif Vəliyev və yaradıcı heyət iştirak edib. 

Məlumat verilib ki, teatrda ötən möv­sümdə Mədəniyyət Nazirliyinin təsdiq etdiyi repertuar planına uyğun olaraq Ab­dulla Elşadlının "Tənhalığın evi", Xaqa­ni Əliyevin "Molla Nəsrəddin", Ələsgər Qurbanovun "Tənbəl Əhməd" tamaşaları hazırlanıb və ictimaiyyətə təqdim olunub. Bununla yanaşı, Yeni il və Novruz bay­ramı ilə əlaqədar şou-proqramlar, Xocalı soyqırımına həsr olunmuş "Şəhid şəhər Xocalı”, 20 Yanvar faciəsinin ildönümü ilə əlaqədar "Şəhidlər ölməz” və bir çox po­etik xalq tamaşaları rayon ictimaiyyətinə təqdim olunub. Teatr 4.4 Qısa Tamaşalar Festivalında, "Milli klassika" festivalın­da, Ümummilli lider Heydər Əliyevin 100 illiyinə həsr olunmuş bədii qiraət müsa­biqəsində iştirak edib və diploma layiq görülüb.

Eyni zamanda, teatrın baş rejissoru, Əməkdar artist Asif Şirinov və quruluş­çu rejissoru Nicat Mirzəzadə Prezident mükafatına layiq görülüb. Teatr Ağdam, Tərtər, Goranboy, Gəncə, Mingəçevir, Xocavənd və digər rayonlarda qastrol səfərlərində olub. Hər il olduğu kimi, bu il də teatr mütəmadi olaraq hərbi hissələr­də olub, müxtəlif janrlı tamaşalar və kon­sert proqramları ilə çıxış edib.

Teatrın hərbi hissədəki bu xidmətləri yüksək qiymətləndirilib, fəxri fərman və diplomlarla təltif olunub. Qeyd edilib ki, Füzuli Dövlət Dram Teatrı yeni mövsümü Nəcəf bəy Vəzirovum "Yağışdan çıxdıq, yağmura düşdük" tamaşası ilə açacaq.

XQ