Naxçıvan Muxtar Respublikası Təhsil Nazirliyinin təşkilatçılığı ilə yanvarın 24-də muxtar respublikanın ümumtəhsil məktəbləri arasında “Yaşıl texnologiyalar” müsabiqəsi keçiriləcək.
Müsabiqə 60 komanda olmaqla, 200-ə yaxın komanda üzvünün iştirakı ilə Naxçıvan Şəhər Uşaq- Gənclər Şahmat Məktəbində təşkil olunacaq.
Müsabiqənin qiymətləndirilməsi STEAM Təlim- Tədris Mərkəzinin təlimçiləri tərəfindən aparılacaq və qalib komandalar medal, fəxri fərman, həmçinin qiymətli hədiyyələrlə mükafatlandırılacaq.
Qeyd edək ki, müsabiqənin təşkilində məqsəd ekoloji problemlərin mahiyyətini və ətraf mühitin qorunmasının vacibliyini şagirdlərə aşılamaq, onlarda ekoloji şüur və məsuliyyət hissini inkişaf etdirməkdir.
Səbuhi HƏSƏNOV
XQ-nin bölgə müxbiri
.jpg)
.jpeg)
.png)
.jpg)
