Dövlət Gömrük Komitəsinin Tibbi Xidmət İdarəsi “Ağdam, Füzuli və Xocavənd rayonlarında bərpa, tikinti və idarəetmə xidməti” və “Avita” MMC-nin birgə təşkilatçılığı ilə Füzuli şəhərində qazi və şəhid ailələri üçün 8 Noyabr - Zəfər Gününə həsr edilmiş tibbi xeyriyyə aksiyası keçirilib.
Tədbirdə Gömrük Komitəsinin nümayəndələri, Mərkəzi Gömrük Hospitalının tibbi personalı və Füzuli sakinləri iştirak ediblər.
Mərkəzi Gömrük Hospitalının həkimləri kardioloji, uroloji, endokrinoloji və digər tibbi xidmətlər göstərərək 250 nəfərə müayinə və müalicə təklif ediblər. Müayinədən keçənlərə dərman preparatları paylanılıb.
Dövlət Gömrük Komitəsinin Tibbi Xidmət İdarəsi əvvəlki illərdə də Cocuq Mərcanlı, Horadiz, Ağalı, Tərtər, Lənkəran, Astara, Yevlax və digər bölgələrdə oxşar tibbi aksiyalar təşkil edib.
Leyla QURBANOVA
XQ
.jpg)
.jpg)
.jpg)
.jpg)
.jpg)
