Şəmkirdə kartof yığımı yekunlaşmaq üzrədir. Məhsul istehsalçıları bu günədək əkdikləri 6 min 598 hektar kartof sahəsinin 99,8 faizinin məhsulunu toplayıblar.
Nümunəvi qulluq göstərildiyindən sahələrdə bol məhsul yetişib. Fermerlər qısa müddətdə 6583 hektar sahədən 189 min ton kartof toplayıblar. Hər hektardan 286,5 sentner məhsul əldə olunub.
Şəmkir Rayon İcra Hakimiyyətinin başçısı Rəşad Tağıyev kartof əkən fermerlərlə görüşüb, məhsul yığımının nəticələri ilə maraqlanıb.
Başçıya bildirilib ki, bu il hər hektardan toplanan məhsul nəzərdə tutulandan artıqdır, məhsuldarlıq yüksək səviyyədədir. Onlar növbəti ilə əkin sahələrini daha da genişləndirməyi planlaşdırırlar.
Hamlet QASIMOV,
XQ-nin bölgə müxbiri
.jpg)
