Dünən Mətbuat Şurasında“Məişət zorakılığının qarşısının alınmasında medianın rolu” mövzusunda konfrans keçirilib. Tədbirlər media, QHT təmsilçiləri, ekspertlər və sosial media fəalları iştirak ediblər. 

Azərbaycan Jurnalistlərinin Həmrəylik Komitəsi İctimai Birliyinin təşkilatçılı­ğı, Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə keçirilmiş tədbirdə məişət zorakılığı ilə bağlı mühüm məsələlərə toxunulub. 

Layihənin koordinatoru Mədət Məm­mədov bildirib ki, təəssüf ki, bəzən məişət zorakılığına məruz qalmış şəxslərin he­kayələri sensassiya yaratmaq, auditoriya cəlb etmək naminə kontekstdən çıxarılır, yanlış şərhlər verilir. Bəzi informasiyalar­da isə zorakılığa haqq qazandırılır. Bu isə məişət zorakılığının getdikcə artmasını sti­mullaşdırır. Məişət zorakılığı ilə mübarizə­də KİV-in fəaliyyətinin düzgün istiqamətə yönləndirilməsi üçün media işçilərinin öz­lərinin təlimatlandırılması zəruridir. 

Tədbirdə “Ruh” Jurnalistləri Müdafiə Komitəsinin sədri Əvəz Rüstəmov, jurna­list Nəsimi Nizamioğlu, Mətbuat Şurasının komissiya üzvü, Əməkdar jurnalist Əminə Yusifqızı, “Xalq qəzeti”nin əməkdaşı Rizvan Fikrətoğlu və digər şəxslər çıxış edərək, mövzunun aktuallığından bəhs ediblər.

XQ