Mayın 10-da Fövqəladə Hallar Nazirliyində (FHN) müasir, müstəqil Azərbaycanın qurucusu, xalqımızın xilaskar oğlu, bütün dövrlərin ən böyük azərbaycanlısı Ümummilli lider Heydər Əliyevin anadan olmasının 101-ci ildönümünə həsr olunan tədbir keçirilib.

Əvvəlcə, fövqəladə hallar na­ziri general-polkovnik Kəmaləd­din Heydərovun rəhbərliyi ilə na­zirliyin kollektivi Fəxri xiyabana gələrək Ulu öndərin əziz xatirə­sini ehtiramla yad edib, məzarı önünə gül dəstələri qoyub.

FHN-in inzibati binasında ke­çirilən tədbirdə çıxış edən fövqə­ladə hallar naziri Ümummilli lider Heydər Əliyevin mənalı həyat yo­lundan, xalqımız qarşısındakı ta­rixi xidmətlərindən ətraflı danışıb. Nazir qeyd edib ki, böyük şəxsiy­yət və əvəzedilməz insan Heydər Əliyevin anadan olmasının 101 il­liyi ilə bağlı istər respublikamızda, istərsə də ölkəmizdən kənarda keçirilən möhtəşəm silsilə tədbir­lər bütün dünya azərbaycanlıları­nın dahi rəhbərinə necə dərin və sonsuz məhəbbət hissi bəslədiyi­ni parlaq şəkildə təcəssüm etdirir.

Xalqımız xoşbəxtdir ki, Azər­baycanın hərtərəfli, müstəqil və davamlı inkişafı məqsədini da­şıyan Heydər Əliyev siyasi kur­su hazırda Prezident, Müzəffər Ali Baş Komandan İlham Əliyev tərəfindən böyük uğurla davam və inkişaf etdirilir. 

Sonra çıxış edən Milli Məc­lisin deputatı Siyavuş Novruzov Ümummilli liderin Azərbaycan tarixindəki misilsiz rolundan da­nışıb. 

Kəmaləddin Heydərov əmin­liklə söyləyib ki, nazirliyin kol­lektivi Ümummilli lider Heydər Əliyevin ideyalarına, dövlətçilik xəttinə sadiq qalaraq bundan sonra da bütün qüvvə və baca­rığını müstəqil respublikamızın yüksəlişi, tərəqqisi naminə səfər­bər edəcək.