Laçın rayonu ərazisindən axan Həkəri çayı üzərində tikiləcək “Həkəriçay” su anbarının texniki-iqtisadi əsaslandırılması və layihə-smeta sənədləri hazırlanıb.

Dövlət Su Ehtiyatlar Agentliyinin ta­beliyindəki "Azərbaycan Meliorasiya və Su Təsərrüfatı" ASC-nin İnvestisiyalar və layihələrin idarə olunması şöbəsi­nin müdiri Çingiz Abbasovun bu barə­də verdiyi məlumatda bildirilir ki, su anbarının həcmi, bəndin hündürlüyü, topoqrafik və mürəkkəb geoloji şərait nəzərə alınmaqla ən optimal variant olaraq bəndin Həkəri çay çayı üzərində Laçın rayon mərkəzindən 6 kilometr şi­mal-qərbində yerləşməsi planlaşdırılıb.

Ç.Abbasovun sözlərinə görə, ümu­mi su tutumu 100 milyon kubmetr ola­caq su anbarı vasitəsilə işğaldan azad olunmuş Laçın, Qubadlı, Zəngilan, Cəbrayıl, Füzuli, Ağdam rayonlarının əraziləri də daxil olmaqla, Bakı şəhəri ilə birlikdə 1,8 milyon nəfərin yüksək keyfiyyətə malik içməli su ilə təmin edil­məsi nəzərdə tutulub. “Həkəriçay” su anbarından çıxan magistral boru kəmə­ri üzərində ümumi gücü 19,15 MVt olan 3 ədəd su elektrik stansiyasının tikilmə­si də planlaşdırılıb.

Qeyd edək ki, başlanğıcını Laçın rayonu ərazisindən götürən Həkəri ça­yının uzunluğu 113 kilometr, orta illik su sərfi saniyədə 10,7 kubmetrə yaxındır. “Həkəriçay” su anbarı içməli suyun top­lanması üçün nəzərdə tutulur. Bu çay tam olaraq ölkəmizdə formalaşır. Axımı əsasən bulaq sularından ibarətdir.

XQ