Ermənistan Azərbaycanla sülh sazişi imzalamağa çalışır, lakin Azərbaycan tərəfinin suveren Ermənistan ərazilərinə iddiaları riskini görür. Bunu Ermənistanın xarici işlər naziri Ararat Mirzoyan deyib. Məlumatı “İnterfaks.ru” verib. 

"Biz Azərbaycanla atəşkəsi yox, sülhün əldə olunması prosesini, sülh sazişi layihəsini müzakirə edirik. Biz bir çox məsələlərdə razılığa gələ bilmişik, lakin əsas, çox vacib məsələlər var ki, onların ətrafında tərəflərin mövqeləri müəyyənləşib. hələ də bir-birindən uzaqdır”, - o, Türkiyənin TRT World telekanalına müsahibəsində deyib.

Onun sözlərinə görə, Ermənistan 1991-ci il Alma-Ata Bəyannaməsini sülh sazişi layihəsinə daxil etmək istəyir, bunun əsasında İrəvan və Bakı bir-birinin ərazi bütövlüyünü qarşılıqlı şəkildə tanıyır.

"Amma görürük ki, Azərbaycan belə bir sənədi imzalamaq istəmir, sadəcə olaraq bu bəndi daxil etmirlər. Bu, suallar yaradır. Və şübhələr var ki, Azərbaycanın Ermənistanın suveren ərazilərinə iddialarını davam etdirmək üçün əlavə proqramları ola bilər. Bundan qaçmaq üçün Azərbaycan sadəcə olaraq bu mətni imzalaya bilər”, - Mirzoyan bildirib.

O, həmçinin qeyd edib ki, Türkiyə Ermənistan-Azərbaycan münasibətlərinin normallaşmasında vasitəçi ola bilməz, çünki bu məsələdə Ankara və Bakının mövqeləri eynidir.

P.ƏMİRCANOV

XQ