Bir neçə gün əvvəl Laçın rayonu ərazisindəki xidməti mövqelər arasında hərəkət edərkən əlverişsiz hava şəraitində istiqaməti itirərək azan və Ermənistan hərbçiləri tərəfindən saxlanılan əsgər Ruslan Pənahov Vətənə qaytarılıb.

Əsgərimiz martın 5-də təyyarə ilə Heydər Əliyev Beynəlxalq Aeroportuna gətirilib. Ae­roporta jurnalistlərə açıqlama verən Ruslan Pənahov deyib: “Vətənə qayıtmaq çox yaxşı hissdir. Hazırda səhhətim normaldır. Özümü yaxşı hiss edirəm”. R.Pənahov onu Vətənə geri qaytardığı üçün Prezident, Müzəffər Ali Baş Komandan İlham Əliyevə təşəkkürünü ifadə edib: “Mən bilirdim ki, Prezident İlham Əliyev məni xilas edəcək”.

Ruslan Pənahovun Azərbaycana qayta­rılması dövlətimizin gücünü, regionda söz sahibi olduğunu bir daha göstərdi. Azərbay­can dövləti dəfələrlə bəyan edib ki, heç bir vətəndaşını, hərbçisini darda qoymayacaq və onlara yardım göstərmək, geri, Vətənə qayı­dışını təmin etmək üçün bütün zəruri tədbirlər görüləcək. 

XQ