Kiprli musiqiçilərin Naxçıvanın yubileyinə töhfəsi

Şimali Kipr Türk Respublikasının Çağdaş Musiqi Dərnəyinin xor kollektivi Naxçıvanda konsert proqramı ilə çıxış edib. Naxçıvan Dövlət Universitetinin konservatoriyasında təşkil olunan “Bir səs, bir ürək” adlı konsert proqramı Muxtar Respublikanın yaranmasının 100 illiyinə həsr olunub.

Azərbaycan-Şimali Kipr Dost­luq Cəmiyyətinin sədri Orxan Həsənoğlu Azərbaycan xalqının Şimali Kipr Türk Respublikasına qarşı hər zaman sevgiylə yanaş­dığını və qardaşlıq əlaqələrinin möhkəm, sarsılmaz bağlarla qurul­duğunu bildirib. 

Türkiyə Respublikasının Nax­çıvandakı baş konsulu Asip Kaya Naxçıvan Muxtar Respublikasının 100 illiyinin qeyd edilməsinin əhə­miyyətini vurğulayaraq, ölkəsinin daim Azərbaycanın yanında oldu­ğunu bildirib.

Sonra Şimali Kipr Respublika­sının Çağdaş Musiqi Dərnəyinin Türk Klassik Musiqisi kollektivinin ifasında rəngarəng musiqilər səs­ləndirilib.

Repertuarda yer almış klas­sik türk musiqisinin inciləri – “Sən uzaqlarda deyil, damarımda, qa­nımsan”, “Vida busəsi”, “Bülbülüm altın qəfəsdə”, “Mağusa limanı”, eləcə də Azərbaycan musiqisindən “Nazəndə sevgilim”, “Ay qız” kimi mahnılar iştirakçılar tərəfindən alqış sədaları ilə qarşılanıb. 

Sonda, Ersin Tünayın dirijor­luğu ilə xor kollektivi “Azərbaycan” mahnısını ifa edərək iştirakçılara çoşğulu anlar yaşadıb.

F.HÜQUQQIZI
XQ