Naxçıvan Muxtar Respublikası Daxili İşlər Nazirliyinin Dəmir Yolu Nəqliyyatında Polis Şöbəsinin yeni inzibati binası istifadəyə verilib. Azərbaycan Respublikası Prezidentinin səlahiyyətli nümayəndəsi Fuad Nəcəfli mərasimdə iştirak edib.

Səlahiyyətli nümayəndə əvvəlcə muxtar respublikanın polis orqanlarına təqdim olunan yeni xidməti avtomobillərə baxıb. Muxtar respublikanın daxili işlər naziri, general-mayor Süleyman Neymə­tov məlumat verərək bildirib ki, Azərbay­can Respublikası Daxili İşlər Nazirliyinin ayırdığı 16 yeni xidməti avtomobildən 4 “BMW” yol-patrul xidməti, 12 “JAC-T8” isə mühafizə, post-patrul və dəmir yolu polis xidmətləri üçün nəzərdə tutulub. Bu avtomobillər yüksək manevr imkanları və müasir təchizatı ilə xidmətin operativ təş­kilinə imkan verəcək. 

Sonra səlahiyyətli nümayəndə Naxçı­van Muxtar Respublikası Daxili İşlər Na­zirliyinin Dəmir Yolu Nəqliyyatında Polis Şöbəsinin yeni inzibati binasında yara­dılan şəraitlə tanış olub. Üçmərtəbəli bi­nanın foyesində Ümummilli lider Heydər Əliyevin və Prezident İlham Əliyevin hüquq-mühafizə orqanları ilə keçirdiyi görüşləri əks etdirən fotoguşə yaradılıb. Məlumat verilib ki, şöbədə növbətçi, qə­bul, xüsusi vasitələrin saxlanması otaq­ları, kriminalistik tədqiqatlar, istintaq və tədqiqat, təşkilati-inspektor qrupları üçün və digər xidməti otaqlar, eləcə də server otağı, arxiv, iclas zalı və bufet yerləşir. Xidmətin operativ təşkili üçün otaqların hər biri ən müasir avadanlıqlarla təchiz olunub.