Naxçıvan Muxtar Respublikası Həmkarlar İttifaqları Şurasının rəsmi saytının təqdimat mərasimində iştirak edən Azərbaycan Respublikası Prezidentinin Naxçıvan Muxtar Respublikasında səlahiyyətli nümayəndəsi Fuad Nəcəfli kollektivi təbrik edərək şuranın 2023-cü ili uğurla başa vurduğunu bildirib, nailiyyətlərin davamlı olmasını diləyib.

Qeyd edilib ki, “Heydər Əliyev İli” çərçivəsində ötən il ölkəmizdə olduq­ca əlamətdar və faydalı tədbirlər keçi­rilib. Qeyri-hökumət təşkilatlarının bu istiqamətdə fəaliyyəti də yüksək qiymət­ləndirilməlidir. Naxçıvan Muxtar Respub­likası Həmkarlar İttifaqları Şurası da ötən il Naxçıvanda keçirilən bir sıra tədbirlərin, xüsusilə sosial layihələrin təşkilində fəal iştirakı ilə seçilib. Aparılan struktur dəyi­şiklikləri və kadr islahatları şuranın fəaliy­yət imkanlarını daha da genişləndirib. Bu gün rəsmi saytın istifadəyə verilməsi də Həmkarlar İttifaqları Şurasının daha bir uğurudur.

Naxçıvan Muxtar Respublikası Həm­karlar İttifaqları Şurasının sədri Qəzənfər Abdullayev çıxışında qeyd edib ki, sayt müasir iş prinsiplərinin və innovativ ye­niliklərin tətbiqi, həmçinin ictimai fəaliy­yəti gücləndirmək və media ilə əlaqələrin daha dinamik şəkildə qurulmasını təmin etmək məqsədilə yaradılıb. Şura bundan sonra da muxtar respublikanın inkişafı ilə bağlı həyata keçirilən tədbirlərdə və sosi­al layihələrdə fəal iştirak edəcək. 

Sonra Naxçıvan Muxtar Respublika­sı Həmkarlar İttifaqları Şurasının rəsmi veb-saytının təqdimatı olub. 

Səbuhi HƏSƏNOV,
“Xalq qəzeti”nin bölgə müxbiri

Naxçıvan