Astanadakı Beynəlxalq Türk Akademiyası (BTA) “Qardaşlığın kökləri: Görkəmli şəxsiyyətlərin nümunəsində” adlı konfrans keçirib. 

Tədbir çərçivəsində tanınmış türk ta­rixçisi Afət İnanın qazax dilinə tərcümə olunan “Atatürkü xatırlayarkın”, Azər­baycanın ictimai siyasi xadimi, sabiq baş nazir Həsən Həsənovun ümummilli lider Heydər Əliyevin həyat və fəaliyyətindən bəhs edən “Heydər Əliyev – ümummilli lider, parlaq şəxsiyyət” və qazax dedektiv janrının yaradıcısı Kemal Tokayevə həsr olunan “Kemal Tokayev: ədəbiyyatçının həyat yolu” kitablarının təqdimat mərasi­mi olub. 

BTA-nın prezidenti Şahin Mustafa­yev deyib ki, qardaş xalqların görkəmli nümayəndələrinin həyat yollarının kəsim nöqtəsi bizim ümumi kimliyimizdən xəbər verir. Onların hər birinin taleyindəki çətin və bəzən dramatik dönüşlərdə əcdadla­rımızın mürəkkəb tarixi yolu əks olunur. Buna görə də görkəmli şəxsiyyətlərin hə­yat yolunun işıqlandırılması ən yaxşı tarix kitabıdır. 

Həsən Həsənov ümummilli lider Heydər Əliyevlə birgə çalışdığı illərdən, onun qardaş xalqların yaxınlaşmasındakı rolundan danışıb.

Türkiyənin Qazaxıstandakı səfiri Mustafa Kapıcı Türkiyə Respublikasının yaranmasının 100 illik yubileyi münasibə­ti ilə keçirilən tədbirlərdən söz açıb.

Xatırladırıq ki, Kemal Tokayev Qa­zaxıstanın indiki Prezidenti Kasımcomart Tokayevin atasıdır. 

Qulu KƏNGƏRLİ,
XQ-nin xüsusi müxbiri

Astana