Azərbaycanda səfərdə olan Bolqarıstanın gənclər və idman naziri Dimitar İliev Bakıda bir sıra idman qurğularının fəaliyyəti ilə tanış olub.
Bolqarıstanlı nazir Bakı Su İdmanı Sarayı və Heydər Əliyev adına İdman-Konsert Kompleksində buz meydançası ilə tanış olub. O, buradakı şərait, qarşıda duran işlər barədə mütəxəssislərlə fikir mübadiləsi edib. Həmçinin Milli Gimnastika Arenasına da baxış keçirilib.
Bakı Konqres Mərkəzində ümummilli Lider Heydər Əliyevin 100 illik yubileyinə həsr olunan “Azərbaycan Könüllülərinin VI Həmrəylik Forumu”na da qonaq olan nazir, könüllülərin mükafatlandırılmasında iştirak edib. D.İliev Bakı Slavyan Universitetində isə tələbələrlə görüşüb.
Günün sonunda Bakı Gənclər Mərkəzinin fəaliyyəti ilə tanış olan qonağa burada fəaliyyət göstərən klublar, infrastruktur imkanları, gənclərin şəxsi inkişafı və asudə vaxtının təşkili üçün keçirilən layihələr barədə məlumat verilib.
L.AZAD
XQ