Türkmənistan Xarici İşlər Nazirliyinin yaydığı məlumata əsasən, bu ölkə 2023-cü il noyabrın 14-də “Avropa–Qafqaz–Asiya Nəqliyyat Dəhlizinin inkişafına dair çoxtərəfli saziş”ə (TRASEKA) qoşulub.

Məlumatda vurğulanır ki, sənədin məqsədi Avropa, Qara dəniz, Qafqaz, Xəzər dənizi və Asiya regionlarında iq­tisadi əlaqələri, ticarət və nəqliyyat kom­munikasiyalarını inkişaf, habelə bey­nəlxalq yük daşımalarını təşviq etmək və asanlaşdırmaqdır. “Avropa–Qafqaz–Asiya Nəqliyyat Dəhlizinin inkişafına dair çoxtərəfli saziş”lə qarşıya qoyulan vəzifələr həm də hərəkətin təhlükəsiz­liyini təmin etmək, nəqliyyat siyasətini uyğunlaşdırmaq və müəyyən nəqliyyat növləri arasında rəqabət üçün bərabər şərait yaratmaqdır.

Qeyd edək ki, tarixi İpək yolunun bər­pasını nəzərdə tutan Avropa-Qafqaz–Asiya Nəqliyyat Dəhlizində 13 ölkə– Azərbaycan, Ermənistan, Bolqarıstan, Gürcüstan, İran, Qazaxıstan, Qırğızıs­tan, Moldova, Rumıniya, Tacikistan, Tür­kiyə, Ukrayna və Özbəkistan iştirak edir.

XQ