Bakı Dövlət Universiteti (BDU) hüquq fakültəsinin müəl­lim və tələbələri Strasburq şəhərində “Yaxşı İdarəet­mə üçün Avropa İttifaqı və Avropa Şurası Tərəfdaşlığı: Qadınlara qarşı zorakılıq və məişət zorakılığının qarşısı­nın alınması və onunla mübarizə” layihəsi çərçivəsində təlimlərdə iştirak ediblər.

Ölkəmizin Avropa Şurası yanında daimi nümayəndə­si Fəxrəddin İsmayılov tə­limlərin açılış mərasimində Azərbaycanın bu qurum ilə əməkdaşlıq istiqamətləri haqqında məlumat verib, iş­tirakçılara uğurlar arzulayıb. 

İlk dəfə bu formatda ke­çirilən təlimdə BDU təmsil­çilərinə hüquq fakültəsinin dekanı Zaur Əliyev rəhbərlik edib. AŞPA sessiyasında da iştirak edən təlim iştirakçı­ları Avropa Şurasının İnsan Hüquqları üzrə Komissarlı­ğının Azərbaycan üzrə insan hüquqları məsləhətçisinin mühazirəsini dinlənildikdən sonra qarşılıqlı fikir müba­diləsi aparıblar. Müzakirə zamanı Zaur Əliyev Ermə­nistanın 30 illik işğal siyasə­ti nəticəsində azərbaycanlı qaçqın və məcburi köçkün­lərin pozulmuş hüquq və azadlıqlarından danışıb. 

XQ