Dünən Şuşada TÜRKSOY Mədəniyyət Nazirləri Daimi Şurasının 40-cı iclası keçirilib. Tədbir Mədəniyyət Nazirliyi və TÜRKSOY-un birgə təşkilatçılığı ilə gerçəkləşib.
Tədbirdə çıxış edən mədəniyyət naziri Adil Kərimli iclasın əhəmiyyətindən danışıb. TÜRKSOY-un Baş katibi Sultan Raev deyib ki, bu il Ulu öndər Heydər Əliyevin anadan olmasının 100 illiyi, Türkiyə Cümhuriyyətinin yaranmasının 100 illiyi və TÜRKSOY-un isə 30 illik yubileyləridir.
Türk Dövlətləri Təşkilatının Baş katibi Kubanıçbek Ömüralıyev iclasın mühüm qərarlarla yadda qalacağını bildirib.
Azərbaycan Respublikası Prezidentinin Şuşa rayonunda xüsusi nümayəndəsi Aydın Kərimov, Qırğız Respublikasının mədəniyyət, informasiya, idman və gənclər siyasəti nazirinin birinci müavini Kayrat İmanaliyev, Özbəkistan mədəniyyət nazirinin birinci müavini Bahodir Axmedov, Türkiyə mədəniyyət və turizm nazirinin müavini Serdar Çam, Şimali Kipr Türk Respublikası Baş nazirinin müavini – turizm, mədəniyyət, yaşayış və ətraf mühit naziri Fikri Ataoğlu, Türkdilli Ölkələrin Parlament Assambleyasının (TÜRKPA) Baş katibi Mehmet Süreyya Er, Beynəlxalq Türk Akademiyasının prezidenti Şahin Mustafayev iclasın əhəmiyyətindən danışıblar. Vurğulanıb ki, iclasda alınacaq qərarlar Türk dünyasının gələcək inkişafına öz töhfəsini verəcək.
XQ
