Müdafiə Nazirliyi Azərbaycanın Qarabağ bölgəsində keçirilən lokal xarakterli antiterror tədbirləri başa çatdıqdan sonra müsadirə edilmiş döyüş texnikası, silah və sursat barədə sentyabrın 26-sı saat 17:00-a olan məlumatı açıqlayıb.

Həmin siyahını təqdim edir.

1. Atıcı silah və qumbaraatanlar - 909

2. Artilleriya silahları - 47

3. HHM vasitələri - 226

4. Döyüş sursatları - 251308

5. Təchizat və ləvazimatlar - 1674

6. Optik və digər cihazlar - 164

7. Zirehli texnika - 22

8. Avtomobil texnikası - 75

9. Qoşqu - 21

* * *

Ermənistan silahlı birləşmələrinin və qeyri-qanuni erməni silahlı dəstələri­nin mülki təyinatlı infrastrukturdan hərbi məqsədlər üçün istifadə etməsi növbəti dəfə aşkar edilib.

Müdafiə Nazirliyinin mətbuat xidmə­tindən XQ-yə biriblər ki, lokal xarakterli antiterror tədbirlərindən sonra Qarabağ iqtisadi rayonunda tərk edilmiş tikililərə baxış zamanı bu obyektlərin silah-sur­sat anbarı kimi istifadə edildiyi müəy­yən olunub.

Aşkar edilmiş silah və sursatla dolu yeşiklər, müxtəlif tipli qumbaraatanlar üçün mərmilər, “Kornet” tankəleyhinə raket kompleksinin idarə olunan raket­ləri, hərbi geyim dəstləri və zirehli də­bilqələr müsadirə edilib.

* * *

Qarabağ bölgəsində Ermənistan silahlı birləşmələri və qeyri-qanuni er­məni silahlı dəstələrinin hərbi məqsəd­lər üçün istifadə etdiyi mülki təyinatlı tikililərin aşkar olunması üzrə tədbirlər davam edir.

Müdafiə Nazirliyinin mətbuat xid­mətindən XQ-yə bildiriblər ki, Xocalı rayonu ərazisindəki mülki infrastruktur obyektlərinə baxış zamanı növbəti si­lah-sursat anbarı müəyyən edilib.

Anbardan aşkar edilmiş külli miq­darda patron, əl qumbaraları, minaa­tan, müxtəlif çaplı ağır artilleriya və tank mərmiləri, həmçinin tankəleyhinə raket komplekslərinin idarəolunan raketləri və digər döyüş sursatları müsadirə edi­lib.

Ərazidə, həmçinin qoşqulara yük­lənmiş halda xeyli sayda sursatla dolu yeşiklər də aşkar edilərək götürülüb.

XQ