Baş prokurorun müavini-Hərbi prokuror, ədliyyə general-leytenantı Xanlar Vəliyev, müdafiə nazirinin müavini general-polkovnik Kərəm Mustafayev, eləcə də Hərbi Prokurorluğun və Müdafiə Nazirliyinin səlahiyyətli şəxsləri Naxçıvanda yerləşən hərbi hissələrdə qulluqçularla görüşüblər.
Hərbi Prokurorluğun Mətbuat xidmətindən XQ-yə bildirilib ki, Hərbi prokuror Xanlar Vəliyev 2023-cü ilin “Heydər Əliyev İli” olduğunu vurğulayaraq, nəhəng şəxsiyyətin dünya tarixindəki rolundan, eləcə də milləti və Vətəni qarşısındakı müstəsna xidmətlərindən bəhs edib.
Ardınca hüquqi maarifləndirici mövzularda çıxışlar olunub, hərbi qulluqçuları maraqlandıran suallar cavablandırılıb, üzərilərinə düşən vəzifələri nümunəvi icra etməklə xidmətdə fərqlənənlərə qiymətli hədiyyələr təqdim edilib.
XQ
