Milli Məclisin Sədri Sahibə Qafarova ölkəmizdə səfərdə olan Qazaxıstan Respublikası Parlament Məclisinin Sədri Yerlan Koşanovun başçılıq etdiyi nümayəndə heyəti ilə görüşüb. Parlamentin rəhbəri Qazaxıstan nümayəndə heyətinə Azərbaycan xalqının ulu öndəri Heydər Əliyevin 100 illik yubileyində iştirakına və bu məqsədlə Milli Məclisin xüsusi iclasında çıxışına görə Yerlan Koşanova təşəkkür edib. 

Görüşdə qeyd olunub ki, Azərbaycan və Qazaxıstan dost və qardaş ölkələr­dir: “Ölkələrimiz arasında münasibət­lərin əsası ulu öndər Heydər Əliyevin dönəmində qoyulub və bu gün hər iki ölkə liderləri tərəfindən uğurla davam etdirilir. Bu gün Azərbaycan–Qazaxıstan əlaqələri siyasi, iqtisadi, mədəni, huma­nitar sahələrdə yüksələn xətlə inkişaf etməkdədir. Parlamentlərarası əlaqələ­rimiz də bu münasibətlərin tərkib hissə­sidir. Deputalarımızın qarşılıqlı səfərləri, mütəmadi görüşləri ümumi işin mənafe­yinə xidmət edir”. 

Söhbət zamanı Qazaxıstan Parla­ment Məclisinin Sədri görkəmli dövlət xadimi Heydər Əliyevin 100 illik yubile­yinə dəvətə görə Azərbaycan tərəfinə minnətdarlığını bildirib. O, Heydər Əli­yevin daim Qazaxıstanda dərin ehti­ramla anıldığını söyləyib. Qeyd edib ki, Qazaxıstan dost ölkə kimi Azərbaycanın uğurlarına daim sevinir. 

Qazaxıstanın parlament rəhbəri Ba­kıya hər səfərində Azərbaycandakı in­kişafın şahidi olduğunu söyləyib. Qeyd edib ki, Heydər Əliyevin memarı olduğu Azərbaycan bu gün onun arzuladığı na­iliyyətləri qazanır və bu böyük şəxsiyyə­tin ideyaları həyata keçirilir. Azərbaycan inkişaf edən stabil ölkədir və yerləşdiyi bölgədə özünəməxsus önəmli yer tutur.

Tərəfləri maraqlandıran digər məsələlər ətrafında da fikir mübadiləsi aparılıb.

***

Mayın 17-də Milli Məclisin Səd­ri Sahibə Qafarova ulu öndər Heydər Əliyevin 100 illik yubileyi ilə əlaqədar Milli Məclisin xüsusi iclasında iştirak etmək üçün ölkəmizdə səfərdə olan Rusiya Federal Məclisinin Federasiya Şurası sədrinin birinci müavini Andrey Yatskin, həmçinin Belarus Respublika­sı Milli Məclisinin Respublika Şurasının sədr müavini Valeri Belski və Nümayən­dələr Palatasının sədr müavini Valeri Mitskeviç ilə görüşüb.

S.Qafarova Rusiyanın Dövlət Du­masında və Federal Şurada Heydər Əliyevin yubileyi ilə bağlı təşkil olunmuş sərgilərə görə Rusiya tərəfinə təşəkkür edərək, görkəmli dövlət xadiminin xatirə­sinə göstərilən ehtiramı yüksək qiymət­ləndirib və bunu iki ölkə arasında dostluq münasibətlərinin təzahürü kimi dəyərlən­dirib.

Qonaqlar bu əlamətdar iclasa dəvətə və tədbirin yüksək səviyyədə təşkilinə görə təşəkkürlərini ifadə ediblər. Qeyd olunub ki, dünya miqyaslı siyasi xadim Heydər Əliyevin əziz xatirəsi Belarusda da böyük ehtiramla yad edilir.

Söhbət zamanı ulu öndər Heydər Əliyevin mənalı həyat yolu, zəngin döv­lətçilik təcrübəsi barədə danışılıb, onun Azərbaycanın müstəqilliyinin qorunması və inkişaf etdirilməsi sahəsində gördüyü işlər xüsusi vurğulanıb. 

Bildirilib ki, ulu öndərin müəyyən etdi­yi yol bu gün ölkə Prezidenti İlham Əliyev tərəfindən uğurla davam etdirilir, Azər­baycanın müstəqilliyinin möhkəmləndi­rilməsi, iqtisadi qüdrətinin gücləndirilmə­si və ölkəmizin beynəlxalq nüfuzunun artması istiqamətində mühüm addımlar atılır.

***

Milli Məclisin Sədri Sahibə Qafarova həmin gün Ukrayna Ali Radası Sədrinin müavini Olena Kondratiukla ilə də gö­rüşüb. Ümummilli lider Heydər Əliyevin 100 illiyinə həsr olunmuş Milli Məclisin xüsusi iclasında iştirak etdiyinə görə qonağa təşəkkürünü bildirən S.Qafaro­va ölkələrimiz və xalqlarımız arasında münasibətlərin çox böyük tarixi olduğu­nu xatırladıb. Deyib ki, xalqlarımız uzun illər dostluq şəraitində yaşayıblar və bu gün də həmin münasibətlər davam edir. Azərbaycan dost ölkələrlə, o cümlədən Ukrayna ilə əlaqələrin inkişafına həmişə böyük diqqət yetirib və hazırda ölkələri­miz arasında münasibətlər strateji tərəf­daşlıq səviyyəsindədir. 

İki ölkənin qanunverici orqanları ara­sında da münasibətlərin yüksək səviyyə­də olduğu diqqətə çatdırılıb. Vurğulanıb ki, Azərbaycan və Ukrayna həm ikitərəfli formatda, həm də beynəlxalq təşkilat­lar çərçivəsində sıx əməkdaşlıq edirlər. Azərbaycanla Ukrayna arasında parla­mentlərarası dostluq qrupları fəaliyyət göstərir. Bu ilin fevralında Ukrayna Ra­dası dostluq qrupunun üzvləri Azərbay­canda, ölkəmizin parlamentariləri isə Uk­raynada səfərdə olublar. 

Görüşdə qarşılıqlı maraq doğuran di­gər məsələlər də müzakirə olunub.

Əliqismət BƏDƏLOV,

“Xalq qəzeti”