Ukrayna Prezidenti Volodimir Zelenski “Associated Press” agentliyinə müsahibəsində ÇXR-in Sədri Si Cinpini Kiyevdə qəbul etməyə hazır olduğunu bildirib. Məlumatı “İnterfaks.ru” verib.
Məlumata görə, Volodimir Zelenski artıq Si Cinpinə səfər üçün dəvət göndərib. Bir müddət öncə Ukrayna prezidenti ofisinin rəhbəri Mixaylo Podolyak iki lider arasında telefon söhbətinin planlaşdırıldığını, lakin onun təşkilində müəyyən çətinliklərin olduğunu bildirmişdi.
Çin Xarici İşlər Nazirliyinin rəsmi nümayəndəsi Mao Nin isə Si Cinpinlə Zelenski arasında mümkün telefon danışığı barədə hökumətin hələlik hər hansı informasiya təqdim edə bilmədiyini vurğulayıb.
Ukrayna Prezidenti Baxmutun müdafiəsi ilə bağlı da danışaraq deyib ki, bu, Ukrayna üçün hərbi və siyasi baxımdan vacibdir. Çünki şəhərin itirilməsi kompromislər tapmaq üçün təzyiqə səbəb ola bilər.
Paşa ƏMİRCANOV, “Xalq qəzeti”
.jpg)
