Türkiyənin Milli Müdafiə Nazirliyi PKK-nın Suriya qanadı olan YPG döyüşçülərinin Fransa Senatına çağırılmasını qəti şəkildə pisləyib. Bu barədə “Anadolu” məlumat verib.
Nazirliyin bəyanatında deyilir ki, Fransanın YPG terrorçularını özünün qanunverici orqanına dəvət etməsi bu Avropa ölkəsinin parlamentinə hörməti sıfıra endirir: “Fransa tərəfinin hərəkəti NATO çərçivəsində müttəfiqlik ruhuna, eləcə də terrorizmlə mübarizə üzrə addımlara ziddir. Bu cür adddımlardan asılı olmayaraq, Türkiyə terrorizmin hər cür təzahürünə qarşı dayanmadan mübarizəni davam etdirəcək”.
Bundan başqa, Fransanın Ankaradakı səfiri Erve Marqo da Türkiyənin Xarici İşlər Nazirliyinə çağırılıb.
Paşa ƏMİRCANOV, “Xalq qəzeti”