Türkiyə İsveçin NATO-ya üzvlüyünü təsdiq edə bilməz. Bu barədə Türkiyənin Xarici işlər naziri Mövlud Çavuşoğlu bəyan edib. Məlumatı “Anadolu” yayıb.
XİN başçısı deyib: “İsveç və Finlandiya NATO-ya daxil olmaq üçün üzərlərinə müəyyən öhdəliklər götürüblər. İsveç tərəfindən biz bütün addımların həyata keçirildiyini görmürük, ona görə də hazırkı mərhələdə onun alyansa daxil olmasına razılıq verə bilmərik”.
Çavuşoğlu bildirib ki, İsveç hökuməti bəzi öhdəlikləri yerinə yetirib, ölkə konstitusiyasına dəyişikliklər edib: “Amma bu ölkədə Türkiyənin terror təşkilatı kimi tanıdığı PKK hələ də fəaliyyət göstərir”.
Xatırladaq ki, Türkiyə və İsveç nümayəndələri məsələ ilə bağlı bu il martın 9-da Brüsseldə görüşəcəklər.
Paşa ƏMİRCANOV, “Xalq qəzeti”
