Diasporla İş üzrə Dövlət Komitəsi (DİDK) əməkdaşlarının Xocalı soyqırımının ildönümü günlərində Avstriyaya səfəri çərçivəsində paytaxt Vyanada bu ölkədə yaşayan azərbaycanlılarla görüş keçirilib.
Diasporla İş üzrə Dövlət Komitəsinin sədri Fuad Muradov Xocalı soyqırımının 31-ci ildönümü ilə bağlı diaspor nümayəndələrinin bütün dünyada, eləcə də Avropa informasiya məkanında gördüyü işlərdən söz açıb.
Litvalı jurnalist Riçardas Lapaitis Ermənistanın xalqımıza qarşı apardığı etnik təmizləmə siyasətindən, Xocalı sakinlərinin başına gətirilən dəhşətli hadisələrdən danışıb. Çıxış edənlər bu bəşəri cinayəti törədənlərin beynəlxalq məhkəmə qarşısında indiyədək cavab vermədiklərini və hələ də cəzalandırılmadığını təəssüflə vurğulayıblar.
Tədbir diaspor təşkilatlarının müxtəlif layihələrinin təqdimat mərasiminin keçirilməsi və qarşılıqlı fikir mübadiləsinin aparılması, maraqlı və vacib təkliflərin səsləndirilməsi ilə davam edib.
“Xalq qəzeti”