Türk Dünyası Sığorta Birliyinin I Assambleyası Azərbaycan Mərkəzi Bankının strateji dəstəyi, Azərbaycan Sığortaçılar Assosiasiyasının təşkilat­çılığı və Türk Dövlətləri Təşkilatının iştirakı ilə bu il sentyabrın 14-də Şuşada keçiriləcək.

Assambleyada Azərbaycan, Qazaxıs­tan, Qırğızıstan, Türkiyə, Özbəkistan, Macarıstan, Türkmənistan və Şimali Kipr Türk Respublikasının dövlət rəs­miləri, maliyyə requlyatorları, sığorta assosiasiyalarının, eləcə də Türk Döv­lətləri Təşkilatının rəhbərliyinin iştirakı nəzərdə tutulub. Toplantı rəsmi açılış hissəsi, türk dövlətlərinin maliyyə requl­yatorlarının və sığorta assosiasiyaları­nın 2 ayrı müzakirə panelindən ibarət olacaq. Assambleya çərçivəsində Türk Dünyası Sığorta Birliyinin Türk Dövlət­ləri Təşkilatının məqsəd və prinsiplərinə əsaslanaraq yenidən formalaşdırılmasına dair “Proklamasiya sənədi” imzalana­caq.

Türk Dünyası Sığorta Birliyi 2022-ci ildə təsis edilib. Daha sonra Macarıs­tan, Türkmənistan və Şimali Kipr Türk Respublikasının sığorta assosiasiyaları birliyə müşahidəçi təşkilat olaraq qoşu­lublar. Türk Dünyası Sığorta Birliyinin birinci assambleyası qurumun “Yol xə­ritəsi”nə əsasən, əlifba sırası ilə Azər­baycanda təşkil olunur. 

Xatırladaq ki, “Azərbaycan Sığor­taçılar Assosiasiyası” İctimai Birliyi ümumi maraqlar əsasında birləşən, kö­nüllülük, üzvlərin hüquqi bərabərliyi prinsipləri əsasında yaradılan, öz fəa­liyyətinin əsas məqsədi kimi gəlir əldə etməyi nəzərdə tutmayan və əldə edilən gəliri öz üzvləri arasında bölməyən qey­ri-hökumət təşkilatıdır. Fəaliyyəti Azər­baycan Respublikasının ərazisini əhatə edən birlik 2006-cı il dekabrın 29-da Ədliyyə Nazirliyində dövlət qeydiyyatı­na alınıb. 

Qurumun əsas məqsədi Azərbaycan Respublikasında fəaliyyət göstərən və birliyin üzvləri olan sığorta və təkrar sığorta şirkətlərinin inkişaf etməsinə kömək göstərmək, onların sosial-iqtisa­di proqramlarını dəstəkləmək, bu sahə­də elmi biliklərini artırmaqdan ibarətdir. Hazırda ölkəmizin sığorta bazarında fəaliyyət göstərən 18 sığorta şirkəti və 1 təkrarsığorta şirkəti “Azərbaycan Sığor­taçılar Assosiasiyası” İctimai Birliyinin üzvüdür.

Elmar MİRSALAYEV,
Azərbaycan Sığortaçılar Assosiasiyasının icraçı direktoru, Türk Dünyası Sığorta Birliyinin həmtəsisçisi 

Türk Dünyası Sığorta Birliyi Azər­baycan Sığortaçılar Assosiasiyası ilə Tür­kiyə Sığorta Birliyinin birgə təşəbbüsü və əldə olunmuş ortaq razılığa əsasən 2022-ci il mayın 24-də tarixində Türkiyənin İstanbul şəhərində keçirilmiş Beynəlxalq Sığorta Zirvəsində təsis olunub. Birliyin təsisçiləri Azərbaycan, Qazaxıstan, Qır­ğızıstan, Türkiyə və Özbəkistanın sığorta assosiasiyalarıdır. Sevinc hissi ilə bildir­mək istəyirəm ki, Türk Dünyası Sığorta Birliyi türk dövlətlərinin iştirakı ilə yara­dılmış ilk beynəlxalq maliyyə təşkilatıdır.

Qürurverici haldır ki, birliyimiz qısa zamanda bir sıra nüfuzlu beynəlxalq təş­kilatların, o cümlədən Türk Dövlətləri Təşkilatının diqqətini çəkib, fəaliyyəti­miz rəğbətlə qarşılanıb. Təsadüfi deyil ki, biz də Türk Dünyası Sığorta Birliyini Türk Dövlətləri Təşkilatının məqsəd və prinsiplərinə əsaslanaraq yenidən forma­laşdırmağa qərar verdik. Artıq Türk Dün­yası Sığorta Birliyində 5 təsisçi üzvdən savayı, 3 ölkənin (Macarıstan, Türkmə­nistan və Şimali Kipr Türk Respublikası) sığorta assosiasiyaları müşahidəçi qis­mində təmsil olunurlar.

Türk Dünyası Sığorta Birliyinin başlıca məqsədi 8 ölkədən olan üzv və müşahidəçi təşkilatlar arasında sığorta və təkrarsığorta sahəsində qarşılıqlı təc­rübə, kadr və məlumat mübadiləsinin tə­min olunması, sığortaya dair təlim-tədris sahəsində əməkdaşlıqların qurulması və 8 ölkənin sığortaçılarının iştirakı ilə ortaq “sığorta hovuzu”nun formalaşdırılmasın­dan ibarətdir.

Birliyin “Yol xəritəsi”nə əsasən Türk Dünyası Sığorta Birliyinin birinci As­sambleyası Azərbaycanın Şuşa şəhərində keçiriləcək. Bu, son dərəcə qürurveri­ci olmaqla yanaşı, sığorta sektoru üçün əlamətdar tarixi hadisədir. Türk dünyası sığortaçılarının Şuşada bir araya gəlmə­si türk dövlətlərinin sığortalı inkişafına verilmiş ən gözəl töhfədir. İnanırıq ki, bu assambleya türk dünyası sığortaçıla­rı üçün səmərəli əməkdaşlıq platforması olacaq.

Mirbağır YAQUBZADƏ
XQ