İyunun 25-dək davam edəcək tədbir bu il “Daşqına Davamlı Şəhərlər – İqlim Dəyişikliyinə Uyğunlaşma” mövzusuna həsr olunub. Sammitin məqsədi şəhərlərin ekstremal hava hadisələrinə qarşı hazırlıq səviyyəsini qiymətləndirmək, dayanıqlı inkişaf üçün həll yollarını müzakirə etmək və beynəlxalq təcrübə mübadiləsinə şərait yaratmaqdır.
 
Tədbir çərçivəsində yüksək səviyyəli panellər, tematik forumlar, iqlimə uyğunlaşma həllərinə dair sərgilər və texniki baxışlar təşkil olunur. Eyni zamanda Beynəlxalq Hidro-Ətraf Mühit Mühəndisliyi və Tədqiqatları Assosiasiyasının 41-ci Ümumdünya Konqresi ilə paralel keçirilən sammitdə 40-dan çox ölkədən 250-yə yaxın mütəxəssisin iştirakı gözlənilir.
 
Tədbirdə Azərbaycan Dövlət Su Ehtiyatları Agentliyinin Regional Su Meliorasiya Xidmətinin İdarə Heyətinin sədr müavini Elçin Məmmədov, İri Şəhərlərin Birləşmiş Su Təchizatı Xidmətinin Elektromexanika şöbəsinin müdiri Vüqar Hacıyev və Tikilməkdə Olan Obyektlərin Müdriyyətinin baş mühəndisi Babək Məmmədov iştirak edirlər.