2021-ci ildən bu günədək ölkə üzrə 2700 kilometrdən çox avtomobil yolu yenidən qurulub və təmir olunub.
Bunu Baş nazir Əli Əsədov Milli Məclisin dekabrın 16-da keçirilən plenar iclasında çıxışı zamanı deyib.
O bildirib ki, bunun yarısından çoxu - 1430 kilometri yerli əhəmiyyətli yollardır. Bununla yanaşı, işğaldan azad edilmiş ərazilərdə uzunluğu 3200 kilometr təşkil edən 45 layihə icra edilir, o cümlədən yerli əhəmiyyətli 1275 kilometr yol tikilir.
