Türk Dövlətləri Təşkilatının (TDT) Quba şəhərində keçirilən iclasında TDT-yə üzv və müşahidəçi dövlətlərin Rəqəmsal Aqro Data Platformasının yaradılması ilə bağlı qərar qəbul edilib.

Kənd Təsərrüfatı Nazirliyi­nin məlumatına görə, tədbir­də çıxış edən nazirliyin aparat rəhbəri Azad Cəfərli Rəqəmsal Aqro Data Platformasının ya­radılmasında əsas məqsədləri açıqlayıb. O bildirib ki, burada əsas məqsəd, ilk növbədə, üzv və müşahidəçi dövlətlər ara­sında vahid ticarət şəbəkəsinin yaradılması, data əsaslı təhli­lin aparılması, kənd təsərrüfatı məhsullarının ixrac-idxal poten­sialının qiymətləndirilməsi, ixra­cın və idxalın təşviqinin həyata keçirilməsindən ibarətdir. 

Rəqəmsal Aqro Data Platfor­masının yaradılmasını şərtlən­dirən məqsədlərə aqro statisti­ka mərkəzlərinin fəaliyyətlərinin əlaqələndirilməsi və bu sahədə daimi əsasda fəaliyyət göstərən qurumların mütəxəssislərinin birgə fəaliyyətinin təşkil edil­məsi, mübadilənin həyata ke­çirilməsi, hesabatların hazır­lanması, aqrar sahədə mövcud potensialın ölçülməsi, eləcə də digər əlaqəli fəaliyyətlərin bir mərkəzdən idarəolunması və icrasının reallaşdırılması kimi məsələlər də daxildir. 

Aparat rəhbəri qeyd edib ki, türk dövlətləri bu gün dünya miqyasında böyük nüfuza və iqtisadi gücə malikdir. Son illər türk dövlətləri arasında iqtisadi əlaqələrin sürətli inkişafı, ha­belə kənd təsərrüfatı və ərzaq məhsullarının ticarət dövriyyə­sində artımlar müşahidə olunur.

TDT ölkələri arasında əlaqələrin daha da genişləndi­rilməsinin vacib olduğunu qeyd edən A. Cəfərli vurğulayıb ki, təşkilatın Rəqəmsal Aqro Data Platformasının yaradılması kənd təsərrüfatı və ərzaq məh­sulları sahəsində məlumat mü­badiləsinin, həmçinin ticarət əlaqələrinin gücləndirilməsinə hədəflənib.

İclasda TDT-yə üzv və mü­şahidəçi dövlətlərin aidiyyəti qurumlarının məsul şəxsləri və özəl sektor nümayəndələ­ri tərəfindən təqdimatlar ke­çirilərək TDT Rəqəmsal Aqro Data Platformasının yaradılma­sı istiqamətlərinin müəyyənləş­dirilməsi ilə bağlı müzakirələr aparılıb. Bununla yanaşı, TDT ölkələrinin iqtisadi, aqrar poten­sialı, investisiya imkanları və mövcud nəqliyyat infrastruktur layihələri barədə tədbir iştirakçı­larına ətraflı məlumat verilib. 

Qeyd edək ki, tədbirdə Azər­baycan, Türkiyə, Özbəkistan, Macarıstan və Şimali Kipr Türk Respublikasının kənd təsərrüfa­tı nazirliklərinin səlahiyyətli nü­mayəndələri və aidiyyəti qurum­ların ekspertləri iştirak ediblər.

Yeri gəlmişkən, TDT qlobal kənd təsərrüfatı torpaq ehtiyat­larında 6,1 faiz, o cümlədən əkin sahələrində 3,9 faiz, kənd təsər­rüfatı məhsullarının qlobal isteh­salında 2,2 faiz, kənd təsərrüfatı və emal məhsullarının ixracında isə 2 faiz paya malikdir. Qurum iştirakçı dövlətlər arasında kənd təsərrüfatı sahəsində əməkdaş­lığın genişləndirilməsi, ticarət dövriyyəsinin artırılması və qar­şılıqlı maraq doğuran layihələri reallaşdırmaq imkanlarını daim diqqətdə saxlayır. 

Şübhəsiz ki, Azərbaycan da bu məsələyə hər zaman həs­saslıqla yanaşır, türk dövlətləri­nin vahid rəqəmsal “aqro-data” platformasının yaradılması, TDT brendi altında birgə kənd təsərrüfatı və qida məhsullarının istehsalı ilə bağlı təklifləri təşki­lata üzv ölkələrə təqdim edir və bu istiqamətdə layihələrin re­allaşdırılmasına ciddi töhfələr verir. TDT-nin Kənd Təsərrüfatı Nazirlərinin II Toplantısının Ye­kun Bəyannaməsində isə qar­şıya qoyulan vəzifələr sadala­nır, qida məhsulları üzrə ticarət dövriyyəsinin artırılması, aqrar sahədə müasir texnologiyaların transferi, ən yaxşı təcrübələ­rin qarşılıqlı mübadiləsi kimi məsələlərin həlli zəruriliyi vur­ğulanır. 

Mövzu ilə bağlı onu da deyək ki, son illərdə TDT-yə üzv və müşahidəçi dövlətlər arasında vahid ticarət şəbəkə­sinin yaradılmasına, data əsaslı təhlilin aparılmasına müsbət təsir göstərən bir sıra layihələr reallaşdırılıb. Məsələn, Milli Məclisin 4 aprel 2023-cü il tarixli iclasında “Türk Dövlətləri Təşki­latının hökumətləri arasında sa­dələşdirilmiş gömrük dəhlizinin yaradılması haqqında” 2022-ci il noyabrın 11-də Səmərqənd şəhərində imzalanan saziş təs­diqlənib. Bununla da TDT hö­kumətlərinin gömrük orqanları arasında malların və nəqliyyat vasitələrinin hərəkəti ilə bağlı məlumat mübadiləsi asanlaşıb. Başqa sözlə, belə bir layihənin icrası nəticəsində təşkilata üzv hökumətlər arasında daşınan mallar və nəqliyyat vasitələri haqqında məlumatların elektron şəkildə mübadiləsi gerçəkləşib, nəticədə sürətli yük daşımala­rı, o cümlədən yük daşımala­rın həcmində nəzərəçarpacaq dərəcədə artıma nail olunması reallaşıb.