Azərbaycandakı bank olmayan kredit təşkilatları (BOKT) cari ilin ilk rübünü 32,9 milyon manat xalis mənfəətlə başa vurub. Bu da ötən ilin eyni dövrü ilə müqayisədə 2,8 dəfə çoxdur.
Azərbaycan Mərkəzi Bankının məlumatına görə, yanvar-mart aylarında BOKT-ların gəlirləri 78,8 milyon manat (illik müqayisədə 2,1 dəfə çox), xərcləri 36,9 milyon manat (57 faiz çox), xüsusi ehtiyatlara ayırmaları 1,9 milyon manat (dəyişməyib), mənfəət vergisi ödəmələri isə 7,1 milyon manat (7,9 dəfə çox) təşkil edib.
Beləliklə, bu il aprelin 1-nə BOKT-ların vəsaitləri 823,3 milyon manata çatıb ki, bu da əvvəlki ilə nisbətən 50,9 faiz çoxdur. Həmin vəsaitin 585,2 milyon manatı müştərilərə verilmiş xalis kreditlərdir. Son 1 ildə isə sözügedən sektorun kredit portfeli 38,5 faiz böyüyüb.
XQ
.jpg)
