Bu il Azərbaycanda ümumi gücü 1300 meqavat olan 5 günəş-külək stansiyasının inşasına başla­nacaq. Bunu energetika naziri Pərviz Şahbazov Nyu-Yorkda BMT Baş Assambleyasının “Dayanıq­lılıq Həftəsi” çərçivəsində “Enerji əlçatanlığında boşluğun aradan qaldırılması və karbonsuz enerji sistemlərinə keçid” mövzusunda keçirilən sessi­yadakı çıxışı zamanı bildirib. 

Nazir Avropa İtti­faqı tərəfindən etibar­lı pan-Avropa təchi­zatçısı hesab edilən Azərbaycanın hazırda “yaşıl enerji”yə keçidi sürətləndirən təşəb­büslərə liderlik etdiyini, “Qlobal Metan Vədi”nə qoşulmaqla və “Enerji Effektivliyi Fondu”nu yaratmaqla iqlim dəyi­şikliyinə qarşı müba­rizəyə dəstək verdiyini qeyd edib. Bu sahədə qabaq­cıl ölkə olmağı hədəfləyən Azərbaycanın beynəlxalq enerji şirkətləri ilə 28 qiqavat gücündə “yaşıl enerji”, hidrogen və “yaşıl ammonyak” layihələrinin 2037-ci ilədək mərhələli icrası üzrə əməkdaşlıq etdiyi, hazır­da elektrik enerjisinin qoyuluş gücündə bərpaolunan enerjinin payını 33 faizə yüksəldəcək 2 qiqavatlıq “ya­şıl enerji” güclərinin enerji sisteminə inteqrasiyasını həyata keçirdiyi bildirilib. 

İlkin mərhələdə 5 qiqavat “yaşıl elektrik”, “yaşıl qaz”ların ixracı üçün “Xəzər–Qara dəniz–Avropa”, “Azərbaycan–Türkiyə–Avropa”, həmçinin Qazaxıstan və Özbəkistandan “yaşıl enerji”ni nəql edəcək “Azər­baycan–Mərkəzi Asiya–Avropa” “yaşıl enerji” dəhlizlə­rinin yaradılması üzrə əhəmiyyətli addımlar atıldığını diqqətə çatdıran Pərviz Şahbazov deyib ki, Azərbay­canın bərpaolunan enerjinin inkişafına BMT-nin “Da­yanıqlı İnkişaf üzrə 2030 Gündəliyi” ilə bərabər, post­münaqişə quruculuğu kontekstində yanaşması azad edilmiş ərazilərimizdə “yaşıl enerji zona”larının yara­dılmasına da təkan verib.

XQ