Bu ilin yanvar–fevral aylarında İqtisadiyyat Nazirliyi yanında Dövlət Vergi Xidmətinin xətti ilə dövlət büdcəsinə 3 milyard 156,6 milyon manat vergi daxil olub. Qurumun bununla bağlı məlumatına görə, həmin vəsaitin 1,9 milyard manatdan çoxu qeyri-neft-qaz sektorundan toplanılıb. Bu isə 1 il əvvələ nisbətən 14,8 faiz çoxdur.
Regionlarda da vergi yığımı artıb. İqtisadiyyat naziri Mikayıl Cabbarov “X” sosial şəbəkəsindəki hesabında bildirib ki, 2023-cü ildə Azərbaycanın regionlarında vergi yığımı 2022-ci illə müqayisədə 11 faiz çox olub. Onun sözlərinə görə, ötən il regionlardan 1,5 milyard manat vergi yığılıb.
XQ
