İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin nümayəndə heyəti Türk Dövlətləri Təşkilatına (TDT) üzv türkdilli dövlətlərin rəqabət qurumlarının İstanbulda keçirilən iclasında iştirak edib.
Dövlət Xidmətindən verilən məlumatda bildirilir ki, Türkiyənin Ticarət Nazirliyi, Türkiyə Rəqabət Qurumu, Azərbaycan, Qazaxıstan, Qırğızıstan, Macarıstan, Özbəkistan, Türkmənistan və Şimali Kipr Türk respublikalarının rəqabət orqanlarının nümayəndələrinin iştirak etdikləri bu tədbirin keçirilməsində məqsəd Türkdilli Dövlətlərin Rəqabət Şurasının (TDRŞ) təsis edilməsi olub.
İclasda TDRŞ qarşısında məlumat mübadiləsinin təmin olunması, qlobal çətinliklərlə mübarizə, rəqabət siyasəti və hüququnun inkişaf etdirilməsi, ölkələrarası inteqrasiya və regional əməkdaşlığın gücləndirilməsi kimi məsələlərin həlli mühüm vəzifə kimi qoyulub.
XQ