Anadolu Agentliyinin məlumatına görə, Türkiyənin Adana şəhərindəki “Solitek” şirkəti hazırladığı saxlama panelini və avtomatlaşdırma sistemini Azərbaycana ixrac edir. Bunlardan, əsasən, Qarabağ bölgəsində kənd yerlərinin günəş enerjisinə tələbatını ödəyəcək baza stansiyalarında istifadə olunacağı nəzərdə tutulur. 

İçərisində litium-dəmir fosfat bata­reyaları olan panel günəşli havalarda enerjinin istifadə olunmamış hissəsini saxlayaraq baza stansiyasının gecə də işləməsini təmin edəcək. Havanın buludlu olduğu və günəş enerjisi isteh­salının təmin edilə bilmədiyi hallarda stansiyanın ehtiyac duyduğu elektrik enerjisi şirkət tərəfindən hazırlanmış avtomatlaşdırma proqramı ilə Türkiyə­dən gətirilən generatordan təmin edilə­cək. Eyni zamanda avtomatlaşdırma ilə generatordan əldə edilən elektrik ener­jisinin bir hissəsi də paneldəki batare­yalarda saxlanılacaq.

Adana şirkəti artıq 33 panel və av­tomatlaşdırma sistemindən 25-ni ta­mamlayaraq Qarabağa göndərib.

XQ